Gujarati News

રાજકોટઃ સરકારશ્રીના બાગાયત ખાતા દ્વારા ચાલુ વર્ષ ૨૦૨૦-૨૧ માટે આઈ-ખેડૂત પોર્ટલ પર ફરીથી બાગાયત ખાતાની વિવિધ યોજનાઓ અંતર્ગત તા.૪ નવેમ્બર થી ૩૦ નવેમ્બર  સુધી સહાય શરૂ કરવામાં આવી છે.

આ સમયગાળામાં જે બાગાયતદાર ખેડૂતોએ વિવિધ દ્યટકોમાં સહાય લેવા માટે રસ ધરાવતા હોય તે અરજી કરી, અરજીની પ્રિન્ટ નકલ સાથે સાધનીક કાગળ જેવા કે નવા ૭-૧૨,૮-અ, આધારકાર્ડ નકલ, બેંક પાસબૂક નકલ અને રદ કરેલ ચેક, જે તે ઘટક માટે બાગાયત વાવેતરની પાણીપત્રક ( ૧૨ નંબર ) માં પાકી નોંધ, જાતિનું પ્રમાણપત્ર(અનુ. જાતિ), કવોટેશન એમ્પેનલ્ડ કંપનીનું, ટપકનો ટ્રાયલ રન રિપોર્ટ વગેરે માટે  જરૂરી સાધનિક કાગળોની નકલ સાથે રૂબરૂ કે ટપાલથી નાયબ બાગાયત નિયામકશ્રીની કચેરી, ૨/૩ જીલ્લા સેવા સદન-૩, સરકારી પ્રેસની બાજુમાં - રાજકોટ ખાતે અરજી કર્યાના દિવસ ૭ સુધીમાં મોકલી આપવાના રહેશે. આ અંગે કોઈ પણ મૂંઝવણ હોય તો કચેરીના ફોન નંૅં-૦૨૮૧-૨૪૪૫૫૧૭ પર માહિતી મળી શકશે.

રાજય સરકારશ્રી ના આદેશ અનુસાર ઋતુ પ્રમાણે નિયત સમય મર્યાદામાં કામગીરી પુર્ણ કરવાની હોવાથી અરજી સમયસર આપવી જેથી મંજુરીની કાર્યવાહી આગળ કરી શકાય, આ સમય મર્યાદામાં જો કોઇ બાગાયતદાર ખેડૂત અરજીની પ્રિન્ટ સાથે રજૂ નહી કરે તો તેની અરજીની આગળની કાર્યવાહી થઇ શકશે નહી. તેમ નાયબ બાગાયત નિયામકશ્રી જી.જે.કાતરિયા ની યાદીમાં જણાવાયું છે.