Gujarati News

રાજકોટઃ શહેરના કાલાવડ રોડ પર ન્યુ કોલેજવાડીમાં ખુલ્લા પ્લોટમાં અસહ્ય ગંદકીના ગંજ ખડકાયા છે. આ સ્થળે લોકો લઘુશંકાઓ કરતા નર્ક સમાન ગંદકી ફેલાઇ રહી છે આસપાસના રહેવાસીઓ આ ગંદકી અને દુર્ગધથી ત્રાહીમામ પોકારી ઉઠયા છે. રોગચાળાનો ભય ફેલાયો છે. ત્યારે આ વિસ્તારનાં જાગૃત નાગરીક હસમુખભાઇ દેસાઇએ થાકી હારીને મ્યુ.કમિશનરશ્રીને લેખીત રજુઆત કરી આ ખુલ્લા પ્લોટમાંથી ગંદકી દુર કરાવી દવા છંટકાવ કરાવવા માંગ ઉઠાવી છે. તસ્વીરમાં ખુલ્લા પ્લોટ પાસે ગંદકીના ખડકલા નજરે પડે છે.(તસ્વીરઃ સંદિપ બગથરીયા)