Gujarati News

Gujarati News

News of Thursday, 11th October 2018

૭૫ વર્ષના ડોશીનું સપનું છે અમેરીકા જવાનું, શું પૂરૂ થઈ શકશે?

વિદેહી એન્ટરટેઈનમેન્ટના દેવલ વોરા અને સૌમ્ય જોષીનો એક અનોખો પ્રયોગ : કલાપ્રેમીઓ માટે આવી રહ્યું છે નાટક 'યુનાઈટેડ સ્ટેટસ ઓફ પાડાની પોળ' ૨૭મીએ શો

રાજકોટ, તા. ૧૧ : વિદેહી એન્ટરટેઇન્મેન્ટ ના દેવલ વોરા, રાજકોટના સાહિત્ય - રસિકો માટે કંઈક નવું, કંઈક અનોખું  લાવવા સતત પ્રયત્નશીલ રહે છે. તેઓ એ લાવેલું , સૌમ્ય જોશી આલેખિત - દિગ્દર્શિત નાટક - 'આજ જાનેકી ઝિદ ના કરો' ને રાજકોટ વાસીઓ એ ભાવપૂર્વક પ્રચંડ પ્રતિસાદ આપ્યો . નાટક પૂરું થયા પછી સૌ દર્શકો ની તાળીઓ એ દિગ્દર્શક શ્રી સૌમ્ય જોશી અને કલાકારો જીજ્ઞા વ્યાસ અને જયેશ મોરે ને રાજકોટની કલાપ્રેમી જનતા અને સારા , પ્રયોગશીલ નાટકો ને આવકારવાની ખુલ્લા હૃદયની ભાવનાઓના કાયલ બનાવી દીધા !  માટે જ રાજકોટ ના  કલાપ્રેમી રસિકો માટે દેવલ વોરા , સૌમ્ય જોશીનો જ એક સાવ અનોખો પ્રયોગ લઇ ને ફરી આવી રહ્યા છે.

એક ૭૫ વર્ષની વિધવા ડોશી , ખાખરા ફરસાણ વેચી જીવન ગુજારે . ઉંમર ૭૫ ની પણ દિલ સપનાઓથી ભરેલું . વર્ષો થી સેવેલું એક જ સપનું - અમ્બેરિકા (America) જવાનું ! ડોશી એ અમેરિકા જવા ઊંધે કાંધ થઇ ને પ્રયત્નો ચાલુ કર્યા ને તેની આખી 'પાડાની પોળ' એની મદદમાં જોડાઈને પછી સર્જાય - સૌમ્ય જોશી લિખિત દિગ્દર્શિત ફેફસાંફાડ કોમેડી પ્રયોગશીલ નાટક - -  યુનાઇટેડ સ્ટેટ્સ ઓફ પાડા ની પોળ.

એક કલાક ના આ કોમેડી નાટક માં ડોશી ને અમેરિકા પહોંચાડવા માટે તેની આખી પોળ જેનું નામે છે પાડા ની પોળ -કઈ રીતે મદદ કરે છે અને તેમાંથી કેવી કેવી કોમેડી રચાય છે તેનું ખુબ જ રસિક લેખન અને  નિરૂપણ સૌમ્ય જોશી એ કર્યું છે. અમિતાભ , ઋષિ કપૂર અભિનીત બોલિવૂડ ફિલ્મ ૧૦૨ નોટ આઉટના લેખક અને કેટલાયે સાવ જ હટકે નાટકોના લેખક દિગ્દર્શક -સૌમ્ય જોશી પાસેથી આવી હળવી કૃતિ લોકોને વધુ હળવા બનાવી દેવાની ગેરંટી સાથે જ આવતી હોય છે. કોમેડી નાટકો માં કોમેડી ગીતો વણી લઈને સૌમ્ય એ નાટક ને ખરેખર હસી હસી ને થકવી દે તેવું બનાવ્યું છે.

રાજકોટ માં શ્નયુનાઇટેડ સ્ટેટ્સ ઓફ પાડાની પોળ વિદેહી એન્ટરટેઇન્મેન્ટ , ટીપોસ્ટ , પરીન લાઇફસ્ટાઇલ અને પરીન ટાટા મોટર્સ ના સહયોગ થી લાવી રહ્યું છે.

આગામી તા. ૨૭ ઓકટોબર , શનિવાર ના રોજ નાટક ના બે શા છે .  રાત્રે ૮.૩૦ કલાકે અને રાત્રે ૧૦ કલાકે  હેમુ ગઢવી હોલ મીની માં. નાટક ની ટિકટ માટે સંપર્કઃ  ૬૩૫૪૯૯૫૦૦૧. એડવાન્સ ટિકટ - ટીપોસ્ટ , રેસકોર્સ રિંગ રોડ, એ.જી. ઓફિસ પાસે, રાજકોટ ખાતેથી મેળી શકશે તેમ યાદીના અંતમાં જણાવાયું છે.(૩૭.૧૮)

(3:27 pm IST)
  • અમદાવાદ આંગડીયા પેઠી પાસેથી લુંટ કરવાના ગુનામા આરોપીની ધરપકડ: ક્રાઈમ બ્રાંચે કરી આરોપીની ધરપકડ:વડોદરામા થયેલ બે લૂંટના ગુનાનો ભેદ ઉકેલાયો: 5 લાખ અને 2.50 લાખની લૂંટનો ભેદ ઉકેલાયો:આરોપી અગાઉ 10 થી વધુ ગુનામા ઝડપાઈ ચુક્યો છે. access_time 7:43 pm IST

  • જામખંભાળિયામાં મારામારીના કેસમાં નગરપાલિકાના પૂર્વ પ્રમુખ -ભાજપના નેતા અને જિલ્લા પંચાયતના સદસ્યના પતિને એક-એક વર્ષની સજા ફટકારતી અદાલત ;છ વર્ષ જુના કેસમાં ભાજપના આગેવાનને સજા ફટકારતા ખળભળાટ access_time 11:16 pm IST

  • મીડિયાપાર્ટનો દાવો :રાફેલ ડીલમાં દસોલ્ટની સામે રિલાયન્સ સાથે સોદાની અનિવાર્ય શરત રાફેલ ડીલ મામલે ફ્રેન્ચ વેબસાઇટ મીડિયાપાર્ટનો દાવો :રિલાયન્સ સાથે ભાગીદારી હતી સોદાની શરત :આજતક ન્યુઝ ચેનલનો ધડાકો access_time 12:44 am IST