Gujarati News

Gujarati News

News of Wednesday, 11th September 2019

ઓરિસ્સાના મજૂરનું શિતલ પાર્કમાં સાઇટ પર બેભાન થયા બાદ મોત

નવા બનતા બિલ્ડીંગમાં કડીયા કામની મજૂરી કરતો'તો

રાજકોટ તા. ૧૧: ગાંધીગ્રામ ૧૫૦ રીંગ રોડ પર શિલત પાર્કમાં અક્ષર હાઇટ્સ નામે નવી બિલ્ડીંગ બની રહી હોઇ ત્યાં કડીયા કામ કરતો અને ત્યાં જ રહેતો મુળ ઓરિસ્સાનો લાલુ ચરણભાઇ બાગ (ઉ.૨૬) સાંજે સાઇટ પર બેભાન થઇ જતાં કોન્ટ્રાકટર ભાવેશભાઇ સરધારાએ સિવિલ હોસ્પિટલમાં ખસેડ્યો હતો. પરંતુ અહિ તબિબે મૃત જાહેર કર્યો હતો.

મૃતક બે ભાઇ અને એક બહેનમાં મોટો હતો. સંતાનમાં ત્રણ પુત્રી અને એક પુત્ર છે. ગઇકાલે તેને પેટમાં બળતરા ઉપડી હતી અને બીજી તકલીફો થઇ હતી. સાંજે અચાનક બેભાન થઇ ગયા બાદ મોત નિપજતાં પરિવારજનોમાં શોક છવાઇ ગયો હતો. ચોકીના રાજુભાઇ ગીડા અને હિરેનભાઇએ જાણ કરતાં યુનિવર્સિટી પોલીસે જરૂરી કાર્યવાહી કરી હતી.

(1:16 pm IST)
  • લશ્કરનો ટોપ આતંકી આસિફ ઠારઃકાશ્મીરમાં સુરક્ષાદળોને મોટી સફળતા : કાશ્મીરમાં સુરક્ષા દળોને મોટી સફળતા હાથ લાગી છે : લશ્કરનો ટોપ આતંકી આસિફને ઠાર કરવામાં આવ્યો : સોપોરમાં થયેલા આ એન્કાઉન્ટરમાં બે પોલીસ અધિકારી પણ ઇજા પહોંચી છે જાણવા મળી રહ્યું છે કે આતંકી આસિફ સોપોરમાં અનેક નાપાક ગતિવિધઓમાં સામેલ રહ્યા છે access_time 11:28 am IST

  • સુરત-અમદાવાદમાં ડેંગ્યુ-ટાઇફોઇડનો રોગચાળો : અમદાવાદમાં સતત વરસાદને લીધે ડેંગ્યુ અને ટાઇફોઇડનો રોગચાળો વધતો જાય છે. એક અઠવાડીયામાં ત્રણસો આસપાસ દર્દી નોંધાયા છે. જેમાં ડેંગ્યુના ૧૦૦ ઉપર દર્દીઓ છે. દરમિયાન સુરતના ડિંડોલીના કરાડવા રોડ ઉપર એક જ સોસાયટીમાં ડેંગ્યુના ૧૨ દર્દીઓ નોંધાતા હલચલ મચી ગઇ છે. access_time 3:38 pm IST

  • સુપ્રીમકોર્ટમાં અયોધ્યા ભૂમિ વિવાદ અને આમ્રપાલી મામલાની થશે સુનાવણી : સુપ્રીમકોર્ટમાં બે મોટા મામલાની થશે સુનાવણી : અયોધ્યા ભૂમિ વિવાદ અને આમ્રપાલીના અધૂરા પ્રોજેક્ટ પર સુનાવણી કરશે access_time 1:03 am IST