Gujarati News

Gujarati News

News of Friday, 10th August 2018

ખેરવાના મહેન્દ્રસિંહ ઝાલાને આબિદે ધોકો ફટકાર્યોઃ દૂકાન ચાલુ રાખવી હોય તો પૈસા દેવા પડશે કહી ૪ હજાર પડાવી ગયો!

રાજકોટ તા. ૧૦: કુવાડવાના ખેરવા ગામે રહેતાં અને પીપરડી ગામના પાટીયા પાસે પાન-બીડીની દૂકાન ધરાવતાં મહેન્દ્રસિંહ સજુભા ઝાલા (ઉ.૫૬) નામના પ્રોૈઢ દૂકાને સાંજે એકલા હતાં ત્યારે ખેરવાના આબીદ અલીભાઇ બાદીએ આવી ઝાપટો મારી તેમજ ખભા પર ધોકો ફટકારી જાનથી મારી નાંખવાની ધમકી આપી 'દૂકાન ખુલ્લી રાખવી હોય તો પૈસા દેવા પડશે' તેમ કહી ગલ્લામાંથી ચારેક હજાર રૂપિયાની રોકડ લઇ ભાગી જતાં આ પ્રોૈઢ સારવાર માટે રાજકોટ સિવિલ હોસ્પિટલમાં દાખલ થયા છે.

હોસ્પિટલ ચોકીના એએસઆઇ જગુભા ઝાલાએ જાણ કરતાં કુવાડવાના હેડકોન્સ. હમીરભાઇ સબાડે તેની ફરિયાદ પરથી આબીદ સામે ગુનો નોંધ્યો હતો. ફરિયાદમાં નોંધાયું છે કે આબીદ પાની બીડીની કેબીને આવી ગાળો બોલતો હોઇ મહેન્દ્રસિંહે ગાળો બોલવાની ના પાડતાં ઝપાઝપી કરી હતી અને જમણા ખભે ધોકો ફટકારી મારી નાંખવાની ધમકી આપી ભાગી ગયો હતો.

જો કે મહેન્દ્રસિંહે એવો આક્ષેપ કર્યો છે કે આબીદે કારણ વગર ગાળો દઇ માર મારી દૂકાન ચાલુ રાખવી હોય તો પૈસા આપવા પડશે તેમ કહી ધમકાવી ગલ્લામાંથી ચાર હજાર રૂપિયા લઇ લીધા હતાં. પોલીસે આ બાબતે તપાસ હાથ ધરી છે.

(4:10 pm IST)
  • યુપી સરકાર પોતાના ભ્રષ્ટ્રાચારની તપાસ કરાવે : બસતી જિલ્લામાં નેશનલ હાઈવેનો નિર્માણધીન ફ્લાયઓવર ધરાશાયી થતા અખિલેશ યાદવે સરકાર પર કર્યા પ્રહાર :અખિલેશે કહ્યું હાલની સરકારે ભ્રષ્ટ્રાચારની તપાસ માટે સ્થાયી આયોગ બનાવવો જોઈએ access_time 12:16 am IST

  • મોરબી રોડ ચેકપોસ્ટ પાસે ડમ્પરે એકટીવાને ઠોકર મારતા દેરાણી-જેઠાણીના મોત: બી-ડીવીઝન પોલીસ મથકના હેડ કોન્સ્ટેબલ ખોડુભા સહિતનો સ્ટાફ ઘટનાસ્થળે દોડી ગયો access_time 4:35 pm IST

  • રોહીંગ્યા શરણાર્થીની વાપસીનો માર્ગ ખુલવા સંભવ :બાંગ્લાદેશ,અને મ્યાંમારએ વિદેશ મંત્રાલય વચ્ચે વાતચીત કરવા હોટલાઇન સેવા શરુ :મ્યાંમારના ઓફિસ ઓફ સ્ટેટ કાઉન્સીલરના મંત્રી કયાવ ટિન્ટ સર્વે અને બાંગ્લાદેશના વિદેશમંત્રી અબુલ હસન મહમૂદ અલી વચ્ચે મ્યાંમારની રાજધાની નેપડામાં બેઠક યોજાઈ હતી access_time 12:17 am IST