News of Friday, 10th August 2018

કોલેજ-સ્કૂલો આસપાસ 'એન્ટી રોમિયો ડ્રાઈવ': કોલેજીયન યુવતિઓની અવર-જવરની જગ્યાએ પડયા-પાથર્યા રહેતા લફંગાઓની શાન ઠેકાણે લાવતી ક્રાઈમ બ્રાંચ

રાજકોટઃ. છેલ્લા થોડા દિવસોથી શહેરમાં વાહન ચેકીંગ, હેલ્મેટ માટે જાગૃતિ અભિયાન, ટ્રાફીક નિયમન માટેની ઝુંબેશ, ગુન્હાહીત તત્વોને શોધી કાઢવા ખાસ ડ્રાઈવ સહિતની કામગીરી પોલીસ દ્વારા થઈ રહી છે. આ વચ્ચે આજે શાળા-કોલેજ આસપાસ પડયા-પાથર્યા રહેતા 'રોમિયો'ની શાન ઠેકાણે લાવવા ક્રાઈમ બ્રાંચની ટુકડીએ દંડા પછાડયા હતા. કોલેજીયન યુવતીઓ અને શાળાએ જતી વિદ્યાર્થીનીઓની અવરજવરવાળી જગ્યા ઉપર બાઈક-સ્કૂટરના સ્ટેન્ડ ચડાવી જમેલો કરતા લફંગા યુવકોને ઉઠબેસ કરાવવામાં આવી હતી. બીજી વખત આવુ વર્તન કરતા અટકે તે માટે તેમના વાલીઓને પણ ટેલીફોનિક જાણ કરી પોતાના સંતાનોને કંટ્રોલ કરવા સલાહ આપવામાં આવી હતી. તસ્વીરમાં પીએસઆઈ અતુલ સોનારા, રામ આહિર, ઘનુભા ચૌહાણ સહિતની ટુકડી રોમિયોને પાઠ ભણાવતી નજરે પડે છે. આત્મીય કોલેજ, મહિલા કોલેજ, ધર્મેન્દ્રસિંહજી કોલેજ, કણસાગરા કોલેજ, રાષ્ટ્રીય શાળા નજીક આ ડ્રાઈવ હાથ ધરવામાં આવી ત્યારે વિદ્યાર્થીઓએ કુતુહલવશ પોલીસની કાર્યવાહીને સ્કૂલ કેમ્પસની અંદરથી નિહાળી હતી જે તસ્વીરમાં નજરે પડે છે (ફોટોઃ સંદીપ બગથરીયા)(૨-૨૦)

(4:03 pm IST)
  • રેલરાજ્યમંત્રી રાજેન ગોહેન વિરુદ્ધ યુવતી પર બળત્કાર અને ધમકાવાના મામલે ગુન્હો નોંધાયો ; આસામ પોલીસે નગાવ જિલ્લામાં 24 વર્ષની મહિલા પર દુષકર્મ અને તેને ધમકાવવા મામલે ફરિયાદ નોંધી છે access_time 1:14 am IST

  • મધ્યપ્રદેશમાં તમામ મદ્રેસામાં 15મી ઓગસ્ટે ત્રિરંગો લહેરાવવા અને ત્રિરંગા યાત્રા કાઢવા આદેશ : મદ્રેસા બોર્ડના અધ્યક્ષ સૈય્યદ ઇમાદુદીનના આદેશથી વિવાદ છેડાયો : પોતાના આદેશમાં સાંસ્કૃતિક કાર્યક્રમ કરવા અને તે તમામની તસ્વીર ઇમેલમાં મોકલાવવા પણ કહ્યું : કોંગ્રેસે કર્યો વિરોધ access_time 1:18 am IST

  • રાજ્યસભાના ઉપસભાપતિની ચૂંટણીમાં જેડીયુને સમર્થન આપ્યું ભાજપને નહીં ;બીજેડીએ કહ્યું કે વૈચારિક સમાનતાને કારણે જેડીયુને સમર્થન આપ્યું અને ભાજપ અને કોંગ્રેસથી અંતર રાખ્યું છે : ઓરિસ્સામાં સત્તારૂઢ બીજેડીયુના અધ્યક્ષ નવીન પટનાયકએ જેડીયુના અધ્યક્ષ નીતીશકુમાર સાથે વાતચીત કર્યા બાદ જેડીયુના ઉમેદવાર હરિવંશ નારાયણ સિંહને સમર્થન આપ્યું હતું access_time 12:27 am IST