News of Friday, 10th August 2018

૬૯મા વન મહોત્સવ અંતર્ગત સિવિલ હોસ્પિટલમાં વૃક્ષારોપણ કરાયું

મેયર, સ્ટેન્ડીંગ ચેરમેન, શાસક પક્ષના નેતા, ડીન અને તબિબી અધિક્ષક તથા તબિબોની ઉપસ્થિતી

૬૯મા વન મહોત્સવ અંતર્ગત આરોગ્ય પરિવાર કલ્યાણ વિભાગના માર્ગદર્શન મુજબ રાજકોટ સિવિલ હોસ્પિટલ ખાતે ઇમર્જન્સી વિભાગની સામેના ભાગે આજે વૃક્ષારોપણ કરવામાં આવ્યું હતું. જેમાં મેયર શ્રીમતિ બીનાબેન આચાર્ય, સ્ટેન્ડીંગ ચેરમેન ઉદયભાઇ કાનગડ, શાસક પક્ષના નેતા દલસુખભાઇ જાગાણી, પૂર્વ ધારાસભ્ય ભાનુબેન બાબરીયા, ડીન ડો. યોગેશાનંદ ગોસ્વામી, તબિબી અધિક્ષક ડો. મનિષ મહેતા, સિવિલ હોસ્પિટલના કાઉન્સીલર જયંત ઠાકર તથા તબિબો, નર્સિંગ સ્ટાફે હાજર રહી વૃક્ષારોપણ કર્યુ હતું. ઉદય કાનગડે ટકોર કરી હતી કે આજે વૃક્ષારોપણ થઇ ગયું એટલે વાત પુરી થઇ ગઇ નથી, આ વૃક્ષોને ઉછેર થાય તે ખુબ જરૂરી છે.   પોતે ગમે ત્યારે ચેકીંગ કરવા આવશે તેમ પણ જણાવ્યું હતું. વૃક્ષારોપણ વેળાની તસ્વીર જોઇ શકાય છે. (ફોટોઃ સંદિપ બગથરીયા) (૧૪.૧૦)

(3:58 pm IST)
  • રાજ્યસભાના ઉપસભાપતિની ચૂંટણીમાં જેડીયુને સમર્થન આપ્યું ભાજપને નહીં ;બીજેડીએ કહ્યું કે વૈચારિક સમાનતાને કારણે જેડીયુને સમર્થન આપ્યું અને ભાજપ અને કોંગ્રેસથી અંતર રાખ્યું છે : ઓરિસ્સામાં સત્તારૂઢ બીજેડીયુના અધ્યક્ષ નવીન પટનાયકએ જેડીયુના અધ્યક્ષ નીતીશકુમાર સાથે વાતચીત કર્યા બાદ જેડીયુના ઉમેદવાર હરિવંશ નારાયણ સિંહને સમર્થન આપ્યું હતું access_time 12:27 am IST

  • કેનેડાના નોર્થ બ્રન્સવિકમાં આડેધડ ફાયરિંગ : 4 લોકોના મોત : ઘરની બહાર ન નીકળવા પોલીસની સૂચના : એક આરોપીની ધરપકડ access_time 8:20 pm IST

  • અમદાવાદમાં NCBએ CTM વિસ્તારમાંથી 1.5 કરોડનું કોકેઇન ડ્રગ્સ ઝડપ્યું :273 ગ્રામ કોકેઈન સાથે નાઇઝીરિયન શખ્સની ધરપકડ:ડ્રગ્સ મુંબઈથી અમદાવાદ વેચવા લાવ્યો હોવાનું પ્રાથમિક તપાસમાં ખુલ્યું access_time 7:32 pm IST