Gujarati News

Gujarati News

News of Friday, 10th August 2018

કર વસૂલાત માટે આવકવેરાનું આકરૂ પગલુ : ૧૮ લાખ ૭૪ હજારના સોનાના દાગીના વેચી ટેકસની વસૂલાત : રાજકોટના પરી જવેલર્સ ગ્રુપે ખરીદ્યુ

રાજકોટ : આવકવેરા વિભાગ દ્વારા કરવસૂલાતના અનેક પગલાઓ લઈ રહી છે ત્યારે ૨૦૦૫માં રાજકોટની એક પેઢીને ચૂકવવાનો થતો ૧૮ લાખ ૭૪ હજારનો ટેકસ ન ચૂકવતા આવકવેરા વિભાગના ટેકસ રીકવરી ડિપાર્ટમેન્ટ દ્વારા કાયદાકીય પગલા લઈ આજે હરાજી કરવામાં આવી હતી. રાજકોટની પેઢી પાસેથી કબ્જે લેવાયેલ ૧૮.૭૪ લાખના સોનાના દાગીનાઓ જેમાં બંગળી, ચેઈન, વીંટી સહિતના અન્ય અલંકારોની હરાજી ઈન્કમ ટેકસ ઓફીસમાં યોજાઈ હતી. જેમાં રાજકોટ, જામનગર, અમદાવાદ, મુંબઈ, સુરત મળી કુલ ૫૦થી વધુ ઈચ્છુક પાર્ટીઓએ રસ લીધો હતો. જેમાં રાજકોટની પરી જવેલર્સ ગ્રુપે તમામ સુવર્ણ અલંકારો ખરીદી લીધા હતા. આવકવેરા વિભાગે સોનાના દાગીના વેચી તેની નીકળતી કરપાત્ર રકમ ૧૮ લાખ ૭૪ હજાર કબ્જે કર્યા છે. ટેકસ રિકવરી કામગીરી એડીશ્નલ કમિશ્નર શ્રી અજીતકુમારસિંહાના માર્ગદર્શન તળે ટેકસ રીકવરી ઓફીસર ટી. એસ. ટીનવાલા અને અન્ય અધિકારીઓએ કરી હતી. પ્રસ્તુત તસ્વીરમાં આવકવેરા વિભાગના અધિકારીઓ અને હરરાજી સમયે ઉપસ્થિત લોકો નજરે પડે છે. (તસ્વીરઃ અશોક બગથરીયા)

(3:30 pm IST)
  • નરેન્દ્ર મોદી આઈઆઈટી મુંબઈના ૫૬માં દિક્ષાંત સમારોહમાં સામેલ થયાઃ વિદ્યાર્થીઓને કર્યુ સંબોધનઃ સમગ્ર દેશ આઈઆઈટીના વિદ્યાર્થીઓ પાસેથી પ્રેરણા મેળવે છે અને વિદેશમાં પણ આપણા વિદ્યાર્થીઓ સફળ રહ્યા છે access_time 3:35 pm IST

  • રેલરાજ્યમંત્રી રાજેન ગોહેન વિરુદ્ધ યુવતી પર બળત્કાર અને ધમકાવાના મામલે ગુન્હો નોંધાયો ; આસામ પોલીસે નગાવ જિલ્લામાં 24 વર્ષની મહિલા પર દુષકર્મ અને તેને ધમકાવવા મામલે ફરિયાદ નોંધી છે access_time 1:14 am IST

  • અમદાવાદમાં NCBએ CTM વિસ્તારમાંથી 1.5 કરોડનું કોકેઇન ડ્રગ્સ ઝડપ્યું :273 ગ્રામ કોકેઈન સાથે નાઇઝીરિયન શખ્સની ધરપકડ:ડ્રગ્સ મુંબઈથી અમદાવાદ વેચવા લાવ્યો હોવાનું પ્રાથમિક તપાસમાં ખુલ્યું access_time 7:32 pm IST