Gujarati News

Gujarati News

News of Friday, 10th August 2018

રાજકોટમાં ઇન્સ્ટોલ થશે ૭૦૦૦ CCTV

દેશનું બનશે પહેલું શહેર જેમાં લાગશે આટલા હાઇ-રેન્જ CCTV કેમેરા

રાજકોટ તા.૧૦: રાજકોટ દેશનું પહેલું એવં શહેર બનવા જઇ રહયું છે જે આખેઆખું CCTV કેમેરાની નજર નીચે હોય. એને CCTV વેબ કહેવામાં આવે છે. આ વેબ ઊભી કરવા માટે રાજકોટમાં અંદાજે ૭૦૦૦ હાઇ-રેન્જ CCTV કેમેરા ફિટ કરવામાં આવશે જેનું ઓલરેડી કામ શરૂ થઇ ગયું છે અને છેલ્લા છ મહિનામાં ૨૦૦૦ જેટલા કેમેરા ફિટ પણ કરી દેવામાં આવ્યા છે. રાજકોટના મ્યુનિસિપલ કમિશનર બંછાનિધિ પાનીએ કહયું હતું કે 'સ્માર્ટ સિટીના આ કાર્યક્રમનો અમલ દેશભરમાં સોૈપ્રથમ રાજકોટે કર્યો છે અને એક વર્ષમાં આખું સિટી કેમેરા નીચે આવી જશે જેને લીધે ક્રાઇમમાં ઓલમોસ્ટ પચાસથી સિત્તરે ટકા જેટલો ઘટાડો થશે તો મોલેસ્ટેશન જેવી ઘટનાઓ પણ બિલકુલ બંધ થઇ જશે.'

કેમેરાની વેબની ગોઠવણ એ પ્રકારે કરવામાં આવી છે જેમાં એક કેમેરાનું વિઝન સિત્તરે ટકા જેટલું ઓછું થાય કે એ જગ્યાએથી બીજા કેમેરાનું વિઝન શરૂ થઇ જાય. બીજી ખાસિયત એ પણ છે કે શહેરમાં લાગનારા તમામ કેમેરા નાઇટ વિઝન ધરાવે છે જેને લીધે રાતના સમયે પણ કોઇ ક્રાઇમ થાય તો એવા સમયે પણ કેમેરાના આધારે એ કેસની તપાસ થઇ શકે અને કેમેરાના વિઝયુઅલ્સનો ઉપયોગ પુરાવા તરીકે થઇ શકે.(૧.૪)

(11:38 am IST)
  • ગાંધીનગર: રાજ્યના તમામ જિલ્લા કલેક્ટર્સને નારી અને બાળ સંરક્ષણ ગૃહોમાં CMO દ્વારા સઘન તપાસના આદેશ:બાળ તેમજ નારી સંરક્ષણ ગૃહમાં બાળકો અને મહિલાઓની સુરક્ષા બાબતે સમીક્ષા કરી રિપોર્ટ કરવાની સૂચના :મુઝફ્ફરનગર યૌન શોષણ કેસને ધ્યાનમાં લઇ રાજ્ય સરકારના આદેશ access_time 9:03 pm IST

  • આસામના મુખ્યમંત્રીની જીભ લપસી :કેન્દ્રીયમંત્રી રવિશંકર પ્રસાદને કહ્યા 'પંડિત રવિશંકર ' ; મુખ્યમંત્રી સર્બાનંદ સોનોવાલે 'ડીઝીટલ નોર્થ ઇસ્ટ વિઝન-2022;ના દસ્તાવેજના લોકાર્પણ વેળાએ પોતાના સંબોધનની શરૂઆતમાં કહ્યું '' હું ખાસકરીને પંડિત રવિશંકર જી ને ધન્યવાદ કરવા ઈચ્છીશ "જોકે બાદમાં ભૂલ સમજાતા માફી માંગી હતી access_time 12:41 am IST

  • અમદાવાદમાં NCBએ CTM વિસ્તારમાંથી 1.5 કરોડનું કોકેઇન ડ્રગ્સ ઝડપ્યું :273 ગ્રામ કોકેઈન સાથે નાઇઝીરિયન શખ્સની ધરપકડ:ડ્રગ્સ મુંબઈથી અમદાવાદ વેચવા લાવ્યો હોવાનું પ્રાથમિક તપાસમાં ખુલ્યું access_time 7:32 pm IST