Gujarati News

Gujarati News

News of Friday, 10th August 2018

વૈદના ખાટલેઃ કોર્પોરેશનના કોમ્યુનિટી હોલમાં ફાયર સેફટીના સાધનોનો અભાવઃ કોંગ્રેસ

વોર્ડ નં.૧૩ના ગુરૂપ્રસાદ ચોકમાં આવેલ કોમ્યુનિટી હોલમાં આગ લાગીઃ તંત્રની બેદરકારીની પોલ છતીઃ જાગૃતિ બેન ડાંગર દ્વારા મ્યુનિ. કમિશનરને રજુઆત

રાજકોટ તા.૯: શહેરના વોર્ડ નં. ૧૩નાં ગુરૂપ્રસાદ ચોકમાં આવેલ મ્યુનિ. કોર્પોરેશન સંચાલીત વસંતરાય ગજેન્દ્ર ગડકર કોમ્યુનિટી હોલમાં આજે સવારે આગ લાગતા મ.ન.પા.ની બેદરકારી ખુલ્લી હોવાનો આક્ષેપ વોર્ડ નં. ૧૩ના કોંગી કોર્પોરેટર જાગૃતિબેન ડાંગર દ્વારા કરવામાં આવ્યો છે.

 

કોર્પોરેશનના કોમ્યુનિટી હોલમાં ફાયર સેફટીના સાધનોની સુવિધાનો અભાવ સહિતના પ્રશ્ને જાગૃતિબેન ડાંગર દ્વારા મ્યુનિ. કમિશનરને પત્ર પાઠવી રજુઆત કરી હતી.

આ અંગે જાગૃતિબેન ડાંગરે પાઠવેલ પત્રમાં જણાવ્યું હતું કે મ.ન.પા. શહેરમાં ફાયર સેફટીની નોટીસો ફટકારે છે અને દંડ વસુલ કરી રહી છે ત્યારે ખુદ મ.ન.પા. ના જ કોમ્યુનિટી હોલમાં અને ખુદ મ.ન.પા. સેન્ટ્રલ ઝોન કચેરીમાં ફાયરની સુવિધા સીવાઇ કોઇ જગ્યાએ ફાયર સેફટીની સુવિધા નથી ત્યારે તંત્ર ફાયર સેફટીની વાતો કરે છે. સ્માર્ટ સીટીની વાતો કરે છે. મ.ન.પા.ની તમામ ઇમારતોમાં ફાયર સેફટીની સુવિધા, અને ગેસ લાઇનના કનેકશન લગાવવા સહિતના પ્રશ્નો ઉકેલવા માંગ કરવામાં આવી છે.(૧.૨૬)

(3:39 pm IST)
  • ગાંધીનગર: રાજ્યના તમામ જિલ્લા કલેક્ટર્સને નારી અને બાળ સંરક્ષણ ગૃહોમાં CMO દ્વારા સઘન તપાસના આદેશ:બાળ તેમજ નારી સંરક્ષણ ગૃહમાં બાળકો અને મહિલાઓની સુરક્ષા બાબતે સમીક્ષા કરી રિપોર્ટ કરવાની સૂચના :મુઝફ્ફરનગર યૌન શોષણ કેસને ધ્યાનમાં લઇ રાજ્ય સરકારના આદેશ access_time 9:03 pm IST

  • આસામના મુખ્યમંત્રીની જીભ લપસી :કેન્દ્રીયમંત્રી રવિશંકર પ્રસાદને કહ્યા 'પંડિત રવિશંકર ' ; મુખ્યમંત્રી સર્બાનંદ સોનોવાલે 'ડીઝીટલ નોર્થ ઇસ્ટ વિઝન-2022;ના દસ્તાવેજના લોકાર્પણ વેળાએ પોતાના સંબોધનની શરૂઆતમાં કહ્યું '' હું ખાસકરીને પંડિત રવિશંકર જી ને ધન્યવાદ કરવા ઈચ્છીશ "જોકે બાદમાં ભૂલ સમજાતા માફી માંગી હતી access_time 12:41 am IST

  • વહેલી ચૂંટણીની અટકળને અમિતભાઇ શાહને ફગાવી ;ભાજપ અધ્યક્ષ અમિતભાઇ શાહે કહ્યું કે વિપક્ષ એકતાની વાતો થાય છે પરંતુ અવિશ્વાસ પ્રસ્તાવ અને રાજ્યસભામાં ઉપસભાપતિની ચૂંટણીમાં બધાએ જોયું શું થયું :શાહે છત્તીસગઢ,રાજસ્થાન અને મધ્યપ્રદેશની ચૂંટણી જીતવાનો દાવો કર્યો access_time 12:52 am IST