Gujarati News

Gujarati News

News of Friday, 11th June 2021

રીંગરોડ-ર નો કાંગશીયાળી પાસેનો પુલ સત્વરે ચાલુ કરો : 'આપ' દ્વારા રૂડામાં રજુઆત

રાજકોટ : આમ આદમી પાર્ટી દ્વારા રૂડા ચીફ ઓફીસરને પત્ર પાઠવી રીંગરોડ -ર કાંગશીયાળી પાસે અટકી પડેલ પુલનું કામ ફરી શરૂ કરાવવા રજુઆત કરી છે. 'આપ' ની ટીમ દ્વારા સ્થળ તપાસમાં આ કામ છેલ્લા ઘણા સમયથી બંધ જણાયુ છે. આ બ્રીજને ડાયવર્ઝન કરીને ચાલુ કરી શકાય તેમ છે. સાઇટ ઉપર બાંધકામની વિગત દર્શાવતુ બોર્ડ પણ લગાવાયુ નથી. સૌરાષ્ટ્રના દક્ષિણ ભાગમાંથી મોટો ટ્રાફીક આ ગોંડલ રોડ પર થઇને રાજકોટમાં પ્રવેશે છે. ત્યારે કાંગશીયાળી પાસેથી બ્રીજ સત્વરે ચાલુ કરવામાં આવે તો ટ્રાફીક સમસ્યા હળવી બની જાય તેમ છે. આ રજુઆતમાં આમ આદમી પાર્ટી શહેર પ્રમુખ શિવલાલ પટેલ, પૂર્વ પ્રમુખ કેશવજીભાઇ પરમાર, પૂર્વ મહામંત્રી વિપુલભાઇ તેરૈયા, રાકેશભાઇ સોરઠીયા વગેરે સાથે જોડાયા હતા.

(3:54 pm IST)
  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • પેટીએમ, ઇન્ફોસિસ અને મેકમાયટ્રિપ કમ્પનીઓએ ઓનલાઇન કોરોના રસીના બુકિંગ પ્રદાન કરવા માટે કેન્દ્ર સરકારની મંજૂરી માંગી છે. (ન્યૂઝફર્સ્ટ) access_time 9:32 am IST

  • ' જય જગન્નાથ ' : 285 વર્ષમાં પહેલીવાર જગન્નાથજી યાત્રા ભક્તો વિના નીકળશે : રસીકરણ કરાવેલ વોલન્ટિયર્સ જ રથ ખેંચી શકશે : વર્તમાન કોવિદ -19 સંજોગોને ધ્યાને લઇ લેવાયેલો નિર્ણય access_time 11:29 am IST