Gujarati News

Gujarati News

News of Friday, 11th June 2021

રેલનગર વિસ્તારની ટાઉનશીપમાં મ.ન.પા.નાં દરોડાઃ ૬ ફલેટ સીલ

સુભાષચંદ્રબોઝ અને વીર સાવરકર આવાસ યોજનાના કુલ ૭ર૦ આવાસોનું ચેકીંગઃ મુળ માલિક-સિવાયના રહેતા હોવાનું ખુલ્યુ

રાજકોટ તા. ૧૩ :.. મ.ન.પા. દ્વારા રેલનગરમાં આવેલ સુભાષચંદ્ર બોઝ અને વીર સાવરકર ટાઉનશીપ ખાતે કુલ ૭ર૦ આવાસોના ચેકીંગ દરમ્યાન મુળ માલિક સિવાયના લોકો રહેતા હોવાનું ખુલતા ૬ આવાસ સીલ કરવામાં આવ્યાં  હતાં.

આ અંગે કોર્પોરેશનની  સત્તાવાર માહિતીમાં જણાવ્યા મુજબ મહાનગરપાલિકા દ્વારા આવાસો ભાડે આપવા અને મુળ માલિક સિવાયના રહેતા માલુમ પડતા આવાસ સીલ કરવાની કામગીરી કરવામાં આવી હતી. જેમાં રેલનગરમાં આવેલ સુભાષચંદ્ર બોઝ ટાઉનશીપમાં ૪૪૦ આવાસોની ચકાસણી કરવામાં આવેલ જેમાંથી ૬ આવાસોમાં મુળ માલિક સિવાયના રહેતા માલુમ પડતા આ આવાસો સીલ કરવામાં આવેલ છે તેમજ વીર સાવરકર ટાઉનશીપમાં ર૮આવાસોની ચકાસણી કરવામાં આવેલ જયાં કોઇ જ આવાસમાં માલિક સિવાય અન્ય કોઇ રહેતું હોવાનું ધ્યાને આવેલ નથી.

આ કામગીરી મ્યુ. કમિશનર ઉદિત અગ્રવાલની સુચના થી ડે. કમીશનર એ. આર. સિંહ, મ.ન.પા.ના વિજીલન્સના ડીવાયએસપી શ્રી ઝાલા, માર્ગદર્શન હેઠળ આવાસ શાખાના કર્મચારીઓ, વિજીલન્સ પોલીસના ચુસ્ત બંદોબસ્ત સાથે કરવામાં આવી હતી.

(3:53 pm IST)
  • સુપ્રીમ કોર્ટે AIIMS દ્વારા લેવાતી INI CET પરીક્ષા 2021 ને, કોરોના પરિસ્થિતિના કારણે, એક મહિના માટે મુલતવી રાખવાનો આદેશ આપ્યો છે. કોર્ટે સ્પષ્ટતા કરી છે કે, આ પરીક્ષા, જે 16 જૂને યોજાવાની હતી, હવે એક મહિનાની સમાપ્તિ પછી કોઈપણ સમયે યોજી શકશે. access_time 1:32 pm IST

  • કોવિડ મહામારી અને લોકડાઉનથી અર્થતંત્રને ફટકો પડતા તેલંગાણાના મુખ્યમંત્રીએ રાજ્યની મહેસૂલ વધારવા માટે રાજ્ય સરકાર હસ્તકની રૂ .20,000 કરોડની જમીનો વેચવાની પ્રક્રિયા શરૂ કરી છે. વધુ બે રાજ્ય સરકારો પણ નજીકના ભવિષ્યમાં પોતાની લેન્ડ બેંક વેચવાની યોજના બનાવી રહી હોવાનું જાણવા મળે છે. (ન્યૂઝફર્સ્ટ) access_time 11:16 am IST

  • એક લાખ કરોડ રૂપિયાના IL&FS કૌભાંડમાં માસ્ટર માઈન્ડ અને ઈન્ફ્રાસ્ટ્રક્ચર લીઝિગ એન્ડ ફાઈનાન્સિયલ સર્વિસ પૂર્વ ચેરમેન રવિ પાર્થશારથીની ધરપકડ : ચેન્નાઈ પોલીસની અપરાધ શાખા એ ધરપકડ કરી :ઈકોનોમિક ઓફિસ (EOW)એ કહ્યું કે પૂર્વ ચેરમેન રવિ પાર્થસારથીના નેતૃત્વમાં IL&FS ફ્રોડ કરવાનું મુખ્ય મથક બની ગયું હતું. access_time 12:41 am IST