Gujarati News

Gujarati News

News of Friday, 11th June 2021

વીજચોરીના ગુનામાં કારખાનાનાં માલીકની આગોતરા જામીન અરજી રદ કરતી સેસન્સ કોર્ટ

રાજકોટ, તા.૧૧: અદાલતે અલગ ડીવાઇસથી વીજચોરી કરતા કારખાના માલીકની આગોતરા જામીન અરજી ફગાવી દેતા વીજચોરોમાં ફફડાટ ફેલાયો છે.

આ કેસની હકીકત એવી છે કે રાજકોટના રહિશ ચીરાગભાઇ મહેશભાઇ કમાણી કે જેઓ બહાલી હોલ પાસે પોતાનું કારખાનું ધરાવે છે ત્યાં આગળ પી.જી.વી.સી.એલ.ના અધિકારીઓ દ્વારા ચેકીંગ કરતા, આરોપીનું વીજમીટર કબ્જે કરેલ હતું. તેમજ ફરી વખત પણ આરોપીનું વીજમીટર કબજે કરેલ હતું. મીટરની ડીસપ્લે બંધ હતી. જેથી બંને વખત મીટર બદલાવી નવુ મીટર મુકેલુ ત્યારબાદ મીટલ લેબ.માં ચેક કરી મીટર બનાવતી કંપનીમાં એક્ષપોર્ટ ઓપીનીયન લેવા મોકલેલ જયાંથી એવો સ્પષ્ટ અભિપ્રાય આવેલ કે, એક્ષટનર્લ ડીવાઇસ લગાડી વીજચોરી કરેલ છે. આ અગાઉ પણ અરજદાર ચીરાગ મહેશભાઇ કમાણીએ તેના કારખાનાની જગ્યામાં રૂમની અંદર સામેની દિવાલ ઉપર જમણી બાજુએ એક પેટી તથા અંદર મીટર લાગેલ હતું. મેઇન સર્વીસ કેબલ ૧૫૦ એમ.એમ.૨નો છે. મીટરની પેટીની સામે એક સ્ટીલનો ઘોડો રાખેલ તથા કાચની બરોબર સામે એક ઓટ્રો ટ્રાન્સફોર્મર જેવી ડીવાઇસ રાખી ચોરી કરતા પકડાતા વીજચોરીનું બીલ આપેલ હતું. જેથી જી.ઇ.બી.પોલીસ સ્ટેશને આરોપી સામે વીજચોરીનો ગુનો નોંધી આગળની કાર્યવાહી કરેલ હતી.

આ કેસમાં આરોપીએ રાજકોટની સ્પે.અદાલતમાં આગોતરા જામીનની અરજી કરેલ સદરહું અરજીની સુનવણી ન્યાયમૂર્તિ અને સ્પે. કોર્ટના જજ શ્રી હિરપરાની અદાલતમાં થતા, પી.જી.વી.સી.એલ તરફે એડવોકેટ શ્રી જીતેન્દ્ર એમ. મગદાણી તથા સરકાર પક્ષે સરકારી વકીલ શ્રી અનીલભાઇ ગોગીયાની દલીલને ધ્યાને લીધેલ તેમજ સર્વોચ્ચ અદાલતે પ્રતીપાદીત કરેલ સિધ્ધાંતને ધ્યાને લઇ ન્યાયમૂર્તિ શ્રી હિરપરા સાહેબ આરોપીની આગોતરા જામીનની અરજી ના મંજુર કરેલ હતી.

સદરહું આગોતરા જામીનની અરજીમાં પી.જી.વી.સી.એલ તરફે નાયબ ઇજનેર શ્રી એમ.એમ.ગોહિલનું સોગંદનામુ કરવામાં આવેલ હતું. જેની અંદર તમામ હકિકતો જણાવેલ હતી. આરોપીને વીજચોરીનું રૂ૨૧,૪૨,૧૮૫-૪૩ તથા રૂ૫૧,૩૭,૪૪૯-૦૨ પૈસાનું બીલ આપેલ હતું. ન્યાયમૂર્તિશ્રીએ જણાવેલ કે, આરોપી દ્વારા રાજયની તીજોરીને લાખો રૂપિયાનું આર્થિક નુકશાન કરેલ હોવાનું પ્રથમ દર્શનીય રીતે ફલીત થાય છે. તેવા સંજોગોમાં અરજી નામંજુર કરવામાં આવેલ.

આ કામમાં મુળ ફરીયાદીની પી.જી.વી.સી.એલ. વતી રાજકોટના ધારાશાસ્ત્રી શ્રી જીતેન્દ્ર એમ.મગદાણી રોકાયેલા તેમજ સરકાર પક્ષે સરકારી વકીલ શ્રી અનીલભાઇ ગોગીયા રોકાયેલા હતા.

(3:18 pm IST)
  • દેવભૂમિ દ્વારકા જિલ્લાના ખંભાળિયા તાલુકામાં બે દિવસથી ભેદી ધડાકા : રાત્રીના સમયે ભેદી ધડાકાઓથી લોકોમાં ફફડાટ. :ધડાકાઓનું કારણ હજુ સુધી જાણવા મળ્યું નથી :ધડાકા સાથે જમીન ધ્રુજી ઉઠે છે છતાં તંત્ર અજાણ : પ્રાંત અધિકારીએ ધડાકા અંગે તપાસના આદેશ આપ્યા access_time 12:08 am IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST

  • રાજસ્થાનના કલાકારો માટે ગેહલોત સરકારનો મોટો નિર્ણય : આર્થિક રીતે નબળા કલાકારોની મદદ મળશે : 5 હજાર રૂપિયાની વન-ટાઇમ સહાય આપવામાં આવશે : કલાકાર કલ્યાણ ભંડોળ તરફથી સહાય આપવામાં આવશે : 2 હજાર જરૂરિયાતમંદ કલાકારોને સહાય મળશે access_time 9:44 pm IST