Gujarati News

Gujarati News

News of Friday, 11th June 2021

રાજકોટઃ ૭૦ ટકા શહેરીજનોનું રસીકરણ

રાજ્યમાં રાજકોટ ટોપ-ફાઇવમાં આવી ગયાનું જાહેર કરતા મ્યુ. કમિશનર : ૨૦ કોલેજોમાં ૧૮થી ૪૪ વય જુથ માટે સોમવારથી રસીકરણ કેન્દ્રોનો પ્રારંભ : સિન્ડીકેટ સભ્ય નેહલ શુકલ અને મેહુલ રૂપાણીની માંગણી અન્વયે નિર્ણય : રજીસ્ટ્રેશન સ્થળ પર જ થાય તેવી વ્યવસ્થા : કોલેજના વિદ્યાર્થીઓ સિવાય અન્ય યુવાનો પણ રસી મુકાવી શકશે

રાજકોટ તા. ૧૧ : હાલ શહેરમાં કોરોના સામે સુરક્ષા આપતી રસી મુકવાની કામગીરી મ.ન.પા. દ્વારા ચાલી રહી છે. જે અંતર્ગત આજ સુધીમાં ૭૦ ટકા શહેરીજનોનું રસીકરણ થઇ ગયાનું અને રસીકરણની કામગીરીમાં રાજકોટ રાજ્યમાં ટોપ ફાઇવમાં આવી ગયાનું મ્યુ. કમિશનર ઉદિત અગ્રવાલે જાહેર કર્યું હતું.

આ અંગે મ્યુ. કમિશનર ઉદિત અગ્રવાલે જણાવ્યું હતું કે, શહેરમાં હવે ૧૮ થી ૪૪ વર્ષની વયજુથનું રસીકરણ ઝડપી બનાવવા કામગીરી હાથ ધરાઇ છે.

આ માટે હવે ૨૦ જેટલી કોલેજોમાં રસીકરણ કેન્દ્રો શરૂ કરવામાં આવશે.  સોમવારે ૨૦ કોલેજોમાં રસીકરણ કેન્દ્રો શરૂ થઇ જશે. જ્યાં ૧૮ થી ૪૪ વર્ષની વય જુથના યુવાનોને સ્લોટ બુકીંગ વગર પણ રસી અપાશે.  કોલેજોના વિદ્યાર્થીઓ ઉપરાંત અન્ય યુવાનોને પણ રસીકરણ કરી અપાશે. આ માટે સ્થળ પર જ રજીસ્ટ્રેશનની સુવિધા ઉપલબ્ધ થશે.

નોંધનિય છે કે, સૌરાષ્ટ્ર યુનિવર્સિટીના સિન્ડીકેટ સભ્ય અને વોર્ડ નં. ૭ના કોર્પોરેટર નેહલ શુકલ તેમજ મેહુલભાઇ રૂપાણીએ કોલેજોમાં રસીકરણ કેન્દ્ર શરૂ કરવા માંગ ઉઠાવી હતી. જે અન્વયે મ.ન.પા. દ્વારા આગામી સોમવારથી ૨૦ જેટલી કોલેજોમાં રસીકરણ કેન્દ્રો શરૂ કરવા નિર્ણય લેવાયો છે.

(3:11 pm IST)
  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • દેવભૂમિ દ્વારકા જિલ્લાના ખંભાળિયા તાલુકામાં બે દિવસથી ભેદી ધડાકા : રાત્રીના સમયે ભેદી ધડાકાઓથી લોકોમાં ફફડાટ. :ધડાકાઓનું કારણ હજુ સુધી જાણવા મળ્યું નથી :ધડાકા સાથે જમીન ધ્રુજી ઉઠે છે છતાં તંત્ર અજાણ : પ્રાંત અધિકારીએ ધડાકા અંગે તપાસના આદેશ આપ્યા access_time 12:08 am IST

  • મહારાષ્ટ્ર ના રાજકારણમાં ગરમાવો : ગઈકાલે CM ઠાકરેની PM મોદી સાથેની મુલાકાત બાદ શિવસેના ના સંજય રાઉતે PM મોદી ના ખૂબ વખાણ કર્યા બાદ આજે NCP સુપ્રીમો શરદ પવારે, રાજકારણના વીખ્યાત સ્ટ્રેટેજિસ્ટ પ્રશાંત કિશોરને પોતાના ઘરે લંચ માટે આમંત્રણ આપતા અનેક તર્ક - વિતર્ક પર ચર્ચાઓ શરૂ થઈ ગઈ છે. (ન્યૂઝફર્સ્ટ) access_time 9:55 am IST