Gujarati News

Gujarati News

News of Friday, 11th June 2021

પેડક રોડ ઉપર શીવ જવેલર્સમાંથી ૮પ લાખના દાગીના ચોરી જવાના ગુનામાં આરોપીઓની જામીન અરજી રદ

આરોપીઓએ લુંટ કરીને માલીકને તિજોરીમાં પુરી દીધા હતાં: સેસન્સ કોર્ટનો ચુકાદો

રાજકોટ તા. ૧૧: પેડક રોડ ઉપર શીવ જવેલર્સમાં કરેલ લૂંટના આરોપીઓની જામીન અરજી કોર્ટે ફગાવી દીધી હતી.

ગત તા. ર૬-૪-ર૧ના રોજ બપોરે ત્રણ વાગ્યાના સમયે પેડક રોડ ઉપર પાણીના ઘોડાની સામે આવેલ શીવ જવેલર્સના શોરૂમમાં લૂંટ કરી શોરૂમના માલીક મોહનભાઇ વીરમભાઇ ડોડીયાને તિજોરીમાં પુરી દઇ રૂ ૮પ૪૬૯૦૦/-ના સોના ચાંદીના દાગીના તથા રોકડ રકમની લૂંટ કરનાર આરોપીઓને પોલીસે પકડી પાડી જેલ હવાલે કરેલ તે પૈકી આરોપી બિકેશ કુમ્હેરસીંગ પરમાર રહે. રાજસ્થાનવાળો તથા આરોપી ઇસુવ ઉર્ફે ટલ્લે ઉર્ફે યુસુફ શરીફભાઇ કુરેશી રહે. ઉત્તર પ્રદેશ વાળાએ જામીન ઉપર છુટવા જામીન અરજી કરેલ.

સરકાર તરફે સરકારી વકીલ હાજર થઇ જામીન અરજીનો વિરોધ કરતા રજુઆત કરેલ કે આરોપીઓએ કોઇ જાતની બીક કે કાયદાનો કોઇ ડર ન હોય તેમ ધોળે દિવસે શોરૂમમાં જઇ દેશી બંદુકનો તમંચો બતાવી રૂપિયા પંચ્યાસી લાખથી વધુની લૂંટ કરી અને શોરૂમના માલીકને તિજોરીમાં પૂરી દઇ ફરાર થઇ ગયેલ હતા. આવા આરોપીઓને જામીન આપવામાં આવે તો ફરી આવા ગુન્હા કરશે અને લોકોની જાનમાલનું જોખમ ઉભું થશે તેથી જામીન અરજી રદ કરવા રજુઆત કરેલ તે રજુઆતને ધ્યાને લઇ સેસન્સ જજ શ્રી બી. બી. જાદવે સાહેબે જામીન અરજી રદ કરેલ છે. આ કામમાં સરકારી વકીલ મુકેશભાઇ પીપળીયા તથા આબીદભાઇ સોસન રોકાયેલ હતા.

(3:06 pm IST)
  • સુપ્રીમ કોર્ટે AIIMS દ્વારા લેવાતી INI CET પરીક્ષા 2021 ને, કોરોના પરિસ્થિતિના કારણે, એક મહિના માટે મુલતવી રાખવાનો આદેશ આપ્યો છે. કોર્ટે સ્પષ્ટતા કરી છે કે, આ પરીક્ષા, જે 16 જૂને યોજાવાની હતી, હવે એક મહિનાની સમાપ્તિ પછી કોઈપણ સમયે યોજી શકશે. access_time 1:32 pm IST

  • મહારાષ્ટ્ર ના રાજકારણમાં ગરમાવો : ગઈકાલે CM ઠાકરેની PM મોદી સાથેની મુલાકાત બાદ શિવસેના ના સંજય રાઉતે PM મોદી ના ખૂબ વખાણ કર્યા બાદ આજે NCP સુપ્રીમો શરદ પવારે, રાજકારણના વીખ્યાત સ્ટ્રેટેજિસ્ટ પ્રશાંત કિશોરને પોતાના ઘરે લંચ માટે આમંત્રણ આપતા અનેક તર્ક - વિતર્ક પર ચર્ચાઓ શરૂ થઈ ગઈ છે. (ન્યૂઝફર્સ્ટ) access_time 9:55 am IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST