Gujarati News

રાજકોટ : આમ આદમી પાર્ટી શહેર છાત્ર યુવા સંઘર્ષ સમિતિ દ્વારા જિલ્લા શિક્ષણાધિકારીને આવેદનપત્ર પાઠવી શહેરની ખાનગી શાળાઓમાં ફી ભરવા હપ્તા કરી આપવા રજુઆત કરાઇ હતી. કોરોના મહામારીના કારણે અર્થ વ્યવસ્થા ખોરવાઇ ગઇ હોય શાળા સંચાલકો અને વાલીઓ વચ્ચે ઘર્ષણ ન થાય તેવો પ્રબંધ કરવા જણાવેલ. શાળા મેનેજમેન્ટ દ્વારા ફી ઉઘરાવવા થતા ફોનની પ્રથા બંધ કરવા તેમજ અગાઉ ચેક આપવાનો આગ્રહ ન રખાય તેવા આદેશો કરવા જણાવાયુ હતુ. આ રજુઆતમાં સુરજ બગડા, મૌલિક શિંહોરા, જય વણજારા, ઉત્સવ પટેલ, હરપાલસિંહ વાઘેલા, રક્ષિત રાજદેવ, ઉત્સવ કોરાટ, સંજય બગડા, સંકેત રૂડકીયા, દિપ સાંઘાણી, નિખીલભાઇ, વિશાલ રાઠોડ, હાર્દીક ઝાલા વગેરે બહોળી સંખ્યામાં ઉપસ્થિત રહ્યા હતા.