Gujarati News

Gujarati News

News of Friday, 11th June 2021

ઇંટ ઉત્પાદકોને સહાય જાહેર ન કરાતા ૧૫ મીથી ઉપવાસ આંદોલનના મંડાણ

રાજકોટ તા. ૧૧ : તાઉતે વાવાઝોડાના કારણે ઇંટ ઉત્પાદકો તેમજ માટી કામ કરનારાઓને મોટુ નુકશાન થયુ હતુ. આ નુકશાની સામે રાહત પેકેજ આપવા સરકારમાં રજુઆતો કરવા છતા કોઇ રાહત પેકેજ નહીં ફાળવાતા આખરે આગામી તા. ૧૫ થી રાજકોટમાં ગાંધી ચિંધ્યા માર્ગે ઉપવાસ આંદોલનના મંડાણ કરવા નિર્ણય લેવાયો હોવાુનં રાજકોટ ગુર્જર પ્રજાપતિ જ્ઞાતિના બળવંતભાઇ હળવદીયાની યાદીમાં જણાવાયુ છે.

આ યાદીમાં જણાવાયુ છે કે પ્રજાપતિ પરિવારોને વાવાઝોડા અને વરસાદથી થયેલ નુકશાન અંગે આર્થિક વળતર મળે તે સંદર્ભે કોર કમીટીની રચના કરવામાં આવેલ. જેમાં રમેશભાઇ સોરઠીયા (પ્રમુખ  ગુર્જર પ્રજાપતિ જ્ઞાતિ), ચંદુભાઇ જાદવ (મહામંત્રી સૌરાષ્ટ્ર કચ્છ ઇંટ ઉત્પાદક સંઘ), બળવંતભાઇ હળવદીયા (મંત્રી ગુર્જર પ્રજાપતિ જ્ઞાતિ), અશોકભાઇ ગોહેલ (સહમંત્રી ગુર્જર પ્રજાપતિ જ્ઞાતિ), અશોકભાઇ હળવદીયા (પ્રવકતા સૌરાષ્ટ્ર કચ્છ), કૈલાશભાઇ જાગાણી (પ્રજાપતિ જ્ઞાતિ અગ્રણી), કિશોરભાઇ સરેરીયા (ઇંટ ઉત્પાદક સંઘ), મુકેશભાઇ ગોરવાડીયા (ઇંટ ઉત્પાદક સંઘ), ચંદુભાઇ ભલગામા (ઇંટ ઉત્પાદક સંઘ), દામજીભાઇ ભલસોડ (કારોબારી સભ્ય ગુર્જર પ્રજાપતિ જ્ઞાતિ) ની નિયુકિત કરાઇ હતી.

ત્યારે પ્રજાપતિ સમાજને આર્થીક વળતર આપવા સરકારને ઢંઢોળવા આ કોર કમીટી દ્વારા તા. ૧૫ થી ઉપવાસ આંદોલનનો નિર્ણય લેવાયો હોવાનું બળવંતભાઇ હળવદીયા (મો.૯૪૨૬૨ ૪૦૨૩૪) ની યાદીમાં જણાવાયુ છે.

(3:05 pm IST)
  • દેવભૂમિ દ્વારકા જિલ્લાના ખંભાળિયા તાલુકામાં બે દિવસથી ભેદી ધડાકા : રાત્રીના સમયે ભેદી ધડાકાઓથી લોકોમાં ફફડાટ. :ધડાકાઓનું કારણ હજુ સુધી જાણવા મળ્યું નથી :ધડાકા સાથે જમીન ધ્રુજી ઉઠે છે છતાં તંત્ર અજાણ : પ્રાંત અધિકારીએ ધડાકા અંગે તપાસના આદેશ આપ્યા access_time 12:08 am IST

  • અહો આશ્ચર્યમ !! ઇઝરાઇલના યેવ્નીમાં ખોદકામ દરમિયાન 1000 વર્ષ જૂનું મરઘીનું અખંડ ઇંડું મળી આવ્યું છે. એક પુરાતત્ત્વવિદે જણાવ્યું હતું કે, "આ ઇંડાની અનન્ય જાળવણી દેખીતી રીતે નરમ માનવ મળ ધરાવતા સેસપિટમાં, તે સદીઓથી મૂકેલી સારી પરિસ્થિતિઓને કારણે હતી અને આ ઈંડાને આટલા વર્ષો જાળવી રાખવામાં મદદરૂપ બની હતી." અન્ય એક પુરાતત્ત્વવિદે કહ્યું કે, "ઇંડામાં એક નાની તિરાડ હતી, જેના લીધે મોટાભાગનું પ્રવાહી તેમાંથી બહાર નીકળી ગયું હતું." access_time 5:50 pm IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST