Gujarati News

Gujarati News

News of Friday, 11th June 2021

રાજકોટ જિલ્લા ભાજપમાં એક પછી એક વિવાદો સળગે છે

પડધરી ભાજપમાં ભડકોઃ તાલુકા પ્રમુખનું રાજીનામુ

હઠીસિંહ કહે છે પાર્ટીને વફાદાર રહયો છુ અને રહીશ, મોહનભાઇના કહેવાથી રાજીનામુ

રાજકોટ તા. ૧૧ :.. જિલ્લા ભાજપમાં  એક પછી એક વિવાદો થતા રહે છે. કોટડા સાંગાણી સંગઠનની નિમણુકનો મામલો ટાઢો પડયો ત્યાં પડધરી તાલુકા ભાજપમાં વિવાદ વકર્યો છે. તાલુકા ભાજપ પ્રમુખ હઠીસિંહ જાડેજાએ પ્રમુખપદેથી રાજીનામું આપવાની જાહેરાત કરી છે. અન્ય હોદેદારો પણ રાજીનામા આપે તેવી શકયતા છે. તાલુકા સંગઠનની નવેસરથી રચનાનો માર્ગ ખૂલ્લો થઇ રહ્યો છે. તાલુકા પંચાયતની ચૂંટણી વખતની અમૂક લોકોની ભૂમિકા અંગે પ્રદેશ સુધી ફરીયાદો પહોંચી છે. જૂથવાદ ચરમસીમાએ છે.

હઠીસિંહ જાડેજાએ આજે સવારે અકિલા સાથેની વાતચીતમાં જણાવેલ કે દાયકાઓથી ભાજપને વફાદાર રહી નિષ્ઠાથી કામ કર્યુ છે. પાર્ટીને કાયમ વફાદાર રહીશ. આ વખતે તાલુકા પંચાયત ભાજપની બની છે. જિલ્લા પંચાયતની એક બેઠક મળી છે. બીજી બેઠક ઉમેદવાર પસંદગીમાં ભૂલને લીધે ગઇ છે. મોહનભાઇ કુંડારીયાના કહેવાથી હું આજે જ જિલ્લા પ્રમુખને રાજીનામું આપી રહયો છું. મોહનભાઇએ રાજીનામું શા માટે માંગ્યુ તે મને ખબર નથી.

(11:48 am IST)
  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • RBI મોટો નિર્ણય : એટીએમ ટ્રાન્ઝેક્શન પર ચાર્જ વધાર્યો : એકવાર મફત ટ્રાન્ઝેક્શનની મર્યાદા પૂરી થઈ ગયા પછી, ગ્રાહકોને બીજા દરેક એટીએમ ટ્રાન્ઝેક્શન દીઠ 21 રૂપિયા ચાર્જ લેવામાં આવશે, આ સાથે 01 જાન્યુઆરી 2022 થી આ ચાર્જ પર ટેક્સ પણ વસુલાશે તેમ જાણવા મળે છે. (ન્યૂઝફર્સ્ટ) access_time 8:12 pm IST

  • આખરે ટીએમસી માંથી ભાજપમાં શામેલ થયેલ બંગાળના દિગ્ગજ નેતા મુકુલ રોયની ઘર વાપસી થઈ : ફરી ટીએમસીમાં જોડાયા : ભાજપ માટે શરમજનક ઘટના : હજુ ઘણાં ધારાસભ્યો સહિત ભાજપના નેતાઓ પણ તેમની મૂળ પાર્ટી ટીએમસીમાં પાછા જાય તેવી સંભાવના : CM મમતા બેનર્જી બપોરે 3.30 વાગ્યે ટીએમસી ભવન ખાતે પ્રેસ કોન્ફરન્સ કરશે તેમ જાણવા મળે છે. (ન્યુઝફર્સ્ટ) access_time 2:42 pm IST