Gujarati News

Gujarati News

News of Tuesday, 11th June 2019

શાપરમાં ઇનોવા કાસ્ટ અને ઇનોવેટીવ ટેકનો કાસ્ટ દ્વારા પર્યાવરણ દિવસની ઉજવણી

રાજકોટ : વિશ્વ પર્યાવરણ દિવસ નિમિતે ઇનોવા કાસ્ટ અને ઇનોવેટીવ ટેકનોકાસ્ટ દ્વારા વેરાવળ શાપર ખાતે વિશેષરૂપમાં ઉજવણી કરાઇ હતી. શાપર વેરાવળ ઇન્ડ. એસો.ના ચેરમેન રમેશભાઇ ટીલાળા, પ્રમુખ કીશોરભાઇ ટીલાળા, સેક્રેટરી વિનુભાઇ ધડુક તેમજ કમીટી મેમ્બરોએ ઉપસ્થિત રહી ઇનોવા કાસ્ટ અને ઇનોવેટીવ ટેકનોકાસ્ટના ચેરમેન મનસુખભાઇ પટેલ તથા ડાયરેકટર કૌશિકભાઇ કોટડીયા, મનુભાઇ પટેલ, ઉદયભાઇ ટીલવા તેમજ કલ્પેશભાઇ અકબરીને અભિનંદન પાઠવ્યા હતા. અહીં પર્યાવરણ એવોર્ડ અંગે જાણકારી આપવામાં આવેલ તેમજ વૃક્ષો વાવો અને પાણી બચાવો અંગે અપીલ કરાઇ હતી. સંસ્થાના પ્રમુખ  કિશોરભાઇ પટેલે દરેક ઉદ્યોગકારોએ ઓછામાં ઓછા પાંચ વૃક્ષો વાવી તેમનું જતન કરવા હીમાયત કરી હતી. ટીયુવી ઇન્ડીયાના રાજકોટ રીઝનના મેનેજર નિલેશભાઇ ભેંસાણીયા, ઇએચએસના લીડ ઓડીટર પિયુશભાઇએ પણ પર્યાવરણ જાગૃતિ માટે સંદેશો રજુ કર્યો હતો. સંપૂર્ણ કાર્યક્રમની વિસ્તૃત માહીતી જી.કે. એન્જીનીયર્સ અમદાવાદના ડાયરેકટર હીમાંશુભાઇ પંચોલીએ આપી હતી. કંપનીના તમામ કર્મચારીઓને એક એક છોડ ભેટરૂપે અપાયા હતા. ફેકટરીના ચોગાનમાં મહાનુભાવોના હસ્તે વૃક્ષારોપણ પણ કરવામાં આવ્યુ હતુ. કાર્યક્રમની તસ્વીરી ઝલક અહીં જોઇ શકાય છે.

(3:48 pm IST)
  • વાયુ વાવાઝોડાના ન્યુઝ અપડેટસ : (૧) સંભવિત વાવાઝોડાની પરિસ્થિતિના કારણે તા. ૧૨.૦૬.૨૦૧૯ને આવતીકાલના રોજ ભાજપ પ્રદેશ કાર્યાલય ખાતે યોજાનારી ભાજપના વિસ્તારકોની બેઠક મુલત્વી રાખવામાં આવી છે. સહુ ભાજપના જીલ્લા/મહાનગરના વિસ્તારકોને પણ જાણ કરવા વિનંતી કરવામાં આવી છે. (૨) વાયુ વાવાઝોડાને લીધે પોરબંદરના કલેકટરે 15 જૂન સુધી ચોપાટી માં જવા ઉપર પ્રતિબંધ મૂકી દીધો છે. (૩) 13 મી જૂન ની સવારે વાયુ વાવાઝોડુ ગુજરાતના દરિયાકાંઠે ત્રાટકવાનું હોવાથી આવતીકાલે તારીખ ૧૨ થી ૧૪ જુન સુધી સુરત નવસારી અને વલસાડ જિલ્લાના સમુદ્ર બીચ ઉપર લોકોને જવા દેવામાં આવશે નહીં. (૪) મુંબઈમાં ભારે વરસાદને પગલે બેંગાલુરુ ચેન્નાઈથી મુંબઈ આવતી વિમાની સેવાઓ સુરત ડાયવર્ટ કરી દેવામાં આવી છે.

    access_time 11:28 pm IST

  • સુષ્મા સ્વરાજની આંધ્રના ગવર્નર તરીકે નિમણૂક ?:સુષ્માએ આ હેવાલો નકારી કાઢ્યા: પૂર્વ વિદેશ પ્રધાન સુષ્મા સ્વરાજની આંધ્રના ગવર્નર તરીકે નિમણૂક થયાના અહેવાલો સુષ્માજીએ નકારી કાઢ્યા છે. તેમણે કહ્યું કે આ અહેવાલો સત્ય નથી access_time 11:33 pm IST

  • ૨૪ મેના રોજ સુરત ખાતે તક્ષશિલા આર્કેડમાં ફાટી નીકળેલ મહાભાયાનક આગમાં ૨૨ જેટલા વિદ્યાર્થી ભાઈ બહેનો જીવતા સળગી મર્યા હતા. આ બનાવમાં આજે ક્રાઇમ બ્રાન્ચની પોલીસે સુરત મ્યુનિસિપલ કોર્પોરેશનના ડેપ્યુટી ઈજનેર વી કે પરમારની ધરપકડ કરી છે. access_time 11:45 pm IST