Gujarati News

Gujarati News

News of Tuesday, 12th June 2018

માલીયાસણ પાસે રેતી ભરેલા ડમ્પરે ૫૦ થી ૬૦ ઘેટા-બકરાને હડફેટે કચડી માર્યા

રાજકોટ : રાજકોટની ભાગોળે, માલીયાસણ ગામ પાસે એક રેતી ભરેલા ડમ્પર, જીજે-૫ ડીટી-૯૨૭૬ના વાહન ચાલકે સીમમાં ચરીને ગામ તરફ પરત આવતા ૬૦ થી ૭૦ ઘેટા-બકરાઓને હડફેટે લેતા ૫૦ થી ૬૦ પશુઓના કમકમાટી ભર્યા મોત નિપજ્યા હતા. એમ કહેવાય છે કે ડમ્પર પલ્ટી ખાઇ જતા હજુ વધુ ઘેટા-બકરા કચડાયા હોવાનું મનાય છે. આ ઘટનાથી હાઇવે પર ચક્કાજામ સર્જાયો હતો. વધુ વિગતો મેળવાઇ રહી છે.

(7:32 pm IST)
  • કેરળમાં ભારે વરસાદ :મૃત્યુ આંક 13 થયો :ઘણા જિલ્લાઓમાં એલર્ટ જાહેર : દેશના દક્ષિણ ભાગમાં ચોમાસુ સક્રિય થઇ ગયું છે. ચોમાસાને કારણે ઘણા દક્ષિણ રાજ્યોમાં છેલ્લા કેટલાક દિવસથી જોરદાર વરસાદ પડી રહ્યો છે જેના કારણે ઘણી જગ્યા પર પૂર જેવી પરિસ્થિતિ જોવા મળી રહી છે. કેરળના અલગ અલગ ભાગોમાં છેલ્લા કેટલાક સમયથી ભારે વરસાદને કારણે અત્યારસુધીમાં 13 લોકોના મોત નિપજ્યા છે વહીવટીતંત્ર દ્વારા ઘણા જિલ્લાઓમાં એલર્ટ જાહેર કરવામાં આવ્યું છે access_time 12:39 pm IST

  • દિલ્હીને પૂર્ણ રાજ્યનો દરજ્જો આપવાનો ઠરાવ દિલ્હી વિધાનસભાએ સ્વીકારી લીધો છે. આ અંગે દિલ્હીના મુખ્યમંત્રી અરવિંદ કેજરીવાલે કહ્યુ કે, જો બીજેપી 2019ની લોકસભા ચૂંટણી પહેલા દિલ્હીને પૂર્ણ રાજ્યનો દરજ્જો આપે તો, અમે સુનિશ્ચિત કરીશુ કે દિલ્હીનો એક એક વોટ બીજેપીની તરફણમાં પડે. અને જો એવું ન થયુ તો એવા બોર્ડ લગાવશે જેના પર લખ્યું હશે, 'બીજેપી દિલ્હી છોડો. access_time 7:18 pm IST

  • માનહાની કેસમાં આજે ભિવંડી પહોંચશે રાહુલ ગાંધી :સંઘ વિરુદ્ધ નિવેદન મામલે રાહુલ વિરુદ્ધ માનહાનિનો કેસ કરાયો છે :ભીવંડીની મેજિસ્ટ્રેટ કોર્ટમાં રાહુલ રહેશે હાજર. access_time 1:38 am IST