Gujarati News

Gujarati News

News of Monday, 11th June 2018

વધુ એક ફતવો... હવે ચાના પ્લાસ્ટીક કપ ઉપર પ્રતિબંધ

હવે શહેરમાં પ્લાસ્ટિકના કપમાં ચા આપી નહિ શકાયઃ પર્યાવરણ રક્ષા અને ગંદકી રોકવા મ્યુ. કમિશ્નર બંછાનિધી પાનીનો પ્રયાસ : પાણીના પાઉચના પ્રતિબંધ બાદ વધુ એક જાહેરનામુ પ્રસિદ્ધ થશે

રાજકોટ, તા. ૧૧ :. શહેરમાં પાણીના પાઉચ ઉપર પ્રતિબંધ બાદ વધુ એક ફતવો બહાર પાડી હવે 'ચા'ના પ્લાસ્ટીક કપ ઉપર પ્રતિબંધ ફરમાવવામાં આવનાર છે.

આ અંગે મ્યુ. કમિશ્નર બંછાનિધી પાનીએ સત્તાવાર વિગતો આપતા જણાવ્યુ હતુ કે, પ્લાસ્ટીકથી પ્રદુષણ ફેલાય છે જે પર્યાવરણ માટે હાનીકારક છે. સાથોસાથ પ્લાસ્ટીકના કારણે ગંદકી પણ ખૂબ ફેલાય છે, એટલુ જ નહી આવા પ્લાસ્ટીકને કારણે ભૂગર્ભ ગટરો જામ થઈ જાય છે અને ગંદા પાણી જાહેર માર્ગો ઉપર ફેલાય છે. જેનાથી જાહેર આરોગ્ય પણ જોખમમાં મુકાય છે. આમ આ તમામ કારણોને લઈ વિશાળ જાહેરહીતને ધ્યાને લઈ શહેરમાં પાણીના પ્લાસ્ટીક પાઉચ ઉપર પ્રતિબંધ ફરમાવાયો છે.જેમા વેપારીઓ તથા જાહેર જનતાએ સહયોગ આપી તંત્રના આ પ્રયાસને સફળ બનાવ્યો છે ત્યારે હવે પર્યાવરણને અને જાહેર આરોગ્યને નુકશાનકર્તા એવા પ્લાસ્ટિકના 'ચા' કપ ઉપર પ્રતિબંધ લાદવામાં આવનાર છે.

કમિશ્નરશ્રીએ જણાવ્યુ હતુ કે, 'આગામી ટૂંક સમયમાં જ 'ચા'ના કપમાં 'ચા' પીરસવા ઉપર પ્રતિબંધ ફરમાવતુ જાહેરનામુ પ્રસિદ્ધ કરાશે. ત્યાર બાદ તમામ ચાની હોટલો, ચાની કીટલીઓમાં ચેકીંગ કરી અને પ્લાસ્ટીકના કપમા 'ચા' પીરસવા ઉપર પ્રતિબંધની કડક અમલવારી કરાવાશે અને વહીવટી ચાર્જ વસુલ કરશે.

(3:29 pm IST)
  • સુપર સ્ટાર રજનીકાંતની ફિલ્મ 'કાલા'એ દુનિયાભરમાં ફક્ત ત્રણ દિવસમાં 100 કરોડ આંકડો પાર કરી લીધો છે. ફક્ત ભારતમાં જ નહીં પણ ભારતની બહાર પણ રજનીકાંતનાં ચાહકોએ આ ફિલ્મનું દિલથી સ્વાગત કર્યુ છે. ફિલ્મ 'પદ્માવત' બાદ 'કાલા' વર્ષ 2018ની બીજી હિટ ફિલ્મ બનીને સામે આવી છે. ફિલ્મ 'કાલા'એ ફખ્ત ચેન્નઇમાં જ 4.9 કરોડ રૂપિયાની કમાણી કરી છે. ઇન્ટરનેશનલ બોક્સ ઓફિસ પર પણ 'કાલા' ધમાલ મચાવી રહી છે. access_time 1:39 am IST

  • અમદાવાદમાં 5 કિલો સોનાની લૂંટ ;કાલુપુરમાં દોઢ કરોડની કિંમતનું પાંચ કિલો સોનુ લૂંટીને બે બાઇકસવાર ફરાર થયાના અહેવાલ :પોલીસ ઘટના સ્થળે પહોંચી access_time 9:41 pm IST

  • અમદાવાદના મણિનગરમાં એલજી હોસ્પિટલની મહિલા કર્મચારીને દર્દીના સગાઓએ ઢોર માર માર્યો :ગીતાબેન અતુલભાઈ સોલંકી નામની ૪૭ વર્ષીય એક જ કીડની ધરાવતી મહિલા કમઁચારીને દદીઁના સગાઓએ માથાના વાળ પકડીને ઢસડીને ઢોર માર મારતા બેભાન:મહિલા કર્મચારીને ટોમાવોર્ડમાં દાખલ કરાઈ :મણિનગર પોલીસને કરાતી જાણ access_time 11:22 pm IST