Gujarati News

Gujarati News

News of Tuesday, 11th May 2021

કાલે દાઉદી વ્હોરા સમાજની ઇદ

દરેક પોતાના ઘરે જ નમાઝ પઢશે, મહામારીમાંથી જલ્દી છુટકારો થાય તેવી દુઆ કરશેઃ સોશ્યલ મિડીયાના માધ્યમથી શુભેચ્છાઓ વરસાવશે

રાજકોટઃ દાઉદી વ્હોરા સમાજના પવિત્ર રમજાન માસ પૂર્ણ થતાં આવતીકાલે તા.૧૨ને બુધવારના રોજ ઇદ ઉલ ફીતરનો દિવસ છે. કોરોના જેવી મહામારી પરિસ્થિતિને ધ્યાને  રાખીને પવિત્ર રમજાન માસમાં ઘરે રહીને નમાજ થયેલ હતી અને મહામારી જેવા રોગ શમી જાય તે માટે તેમજ કોરોના વોરીયર્સ જે રાત દિવસ ફરજ બજાવી સેવાઓ કરી  રહયા  છે. તે માટે રોજ દુઆ ઓ કરવામાં આવતી હતી. આમીન....

રાજકોટ શહેરના જનાબ આમીલ સાહેબ શેષ તૈયબઅલી પાટણ વીલાએ જણાવ્યુ કે આપણે ગુજરાત રાજય સરકારના નિયમોનું ચુસ્ત રીતે પાલન કરી આપણે ઇદ ઉલ ફીતરના દિવસે ઇદની નમાજ દરેકે પોતાના ઘરે રહીને નમાજ પઢશે અને દુઆ  ઓ કરશે કે બીમારીથી જલ્દી દરેક જ્ઞાતિના લોકોને શીફા થાય અને કોરોનાથી છુટકારો મળે આવી પરિસ્થિતિને ધ્યાને લઇને ઉત્સવી આયોજન ન કરવા.

આપણી ફરજ છે કે સગા વ્હાલાઓ, દોસ્ત, બીરાદરોને ફોનથી સોશ્યલ મીડીયાના માધ્યમથી દુઆ સાથેના સલામ કહેશે માસ્ક પહેરો, ઘરે રહો, સ્વસ્થ રહો અને દુઆ ઓ કરો. તેમ શેખ યુસુફઅલી જોહર કાર્ડસ વાલાએ અખબાર યાદીમાં જણાવ્યું હતુ.

(11:51 am IST)
  • કોરોનાથી આજે રાજકોટ શહેરમાં અને ગ્રામ્ય બન્ને વિસ્તારમાં આંશિક રાહત: આજે સાંજ સુધીમાં રાજકોટ શહેરમાં 334 અને ગ્રામ્યના 219 કેસ સાથે કુલ 553 નવા કોરોના ના કેસ નોંધાયા access_time 7:29 pm IST

  • કોરોના મહામારી : રેલ્વેના રોજ ૧૦૦૦ કર્મચારી થાય છે સંક્રમિત : મહામારીએ અત્યાર સુધીમાં ૧૯૫૨ના જીવ ગયા : ભારતીય રેલ્વેમાં કુલ ૧૩ લાખથી વધુ કર્મચારીઓ કામ કરે છે. પ્રતિદિન લગભગ ૧,૦૦૦ કર્મચારીને કોરોના થઇ રહ્યો છે : અત્યાર સુધીમાં રેલ્વેના ૧૯૫૨ કર્મચારીઓએ જીવ ગુમાવ્યો છે : અત્યાર સુધીમાં ૧ લાખથી વધુ કર્મચારીઓ સંક્રમિત થયા છે જેમાંથી ૬૫,૦૦૦ સાજા થઇ કામ પર પાછા ફર્યા છે. access_time 11:06 am IST

  • દેશના ૧૪ મોટા રાજ્યોમાં સંપૂર્ણ લોકડાઉન: ગુજરાત આંધ્ર અને પશ્ચિમ બંગાળ માત્ર આ ત્રણ મોટા રાજ્યોમાં પૂર્ણ લોકડાઉન નથી, રાત્રિ કરફ્યુ અને કેટલાક નિયંત્રણો અમલમાં, ગુજરાત સરકાર આજે મોડેથી કોઈક નિર્ણય લ્યે તેવી સંભાવના દેશના ચૌદ મોટા રાજ્યોએ તેમના તેમને ત્યાં સંપૂર્ણ લોકડાઉન લાદી દીધું છે, હવે માત્ર ગુજરાત, આંધ્ર પ્રદેશ અને પશ્ચિમ બંગાળ આ ત્રણ જ મોટા રાજ્યો રહ્યા છે જ્યાં નાઈટ કફર્યું અને કેટલાક નિયંત્રણો લાગુ કરાયા છે, પરંતુ આ ત્રણ રાજ્યોમાં કોઈ જ લોકડાઉન લાદવામાં આવ્યું નથી. વડાપ્રધાનશ્રીએ વારંવાર કહ્યું છે કે લોકડાઉન છેલ્લા ઉપાય તરીકે લાદવામાં આવે. આજે તેલંગાણા રાજ્યએ પણ આવતીકાલથી અમલી બને તે રીતે દસ દિવસનું લોકડાઉન લાદી દીધું છે. જો કે લોકોની સુવિધા માટે સવારે ૬ થી ૧૦ તમામ કામકાજ ચાલુ રાખવાની છૂટ આપી છે: *ન્યૂઝફર્સ્ટ access_time 4:51 pm IST