Gujarati News

Gujarati News

News of Monday, 11th February 2019

પડધરીના નાનાવડાની સીમમાં રાજકોટના નામીચા બુટલેગરના મકાનમાંથી દોઢ લાખનો દારૂ ઝડપાયો

રાજકોટના લાલસીંગ જાદવની ધરપકડઃ ધમો વ્યાસ અને હર્ષદ મહાજનની શોધખોળઃ રૂરલ ક્રાઇમ બ્રાન્ચનો દરોડો

રાજકોટ, તા., ૧૧: પડધરીના નાનાવડા ગામની સીમમાં રાજકોટના નામીચા બુટલેગરના મકાનમાં રૂરલ ક્રાઇમ બ્રાંચે દરોડો પાડી રૂ. દોઢ લાખના દારૂનાજથ્થા સાથે રાજકોટના એક શખ્સને ઝડપી લીધો હતો.

પ્રાપ્ત વિગતો મુજબ પડધરીના નાનાવડા ગામની સીમ નદીના સામા કાંઠે આવેલ મકાનમાં દારૂનો જથ્થો ઉતર્યો હોવાની બાતમી  મળતા રૂરલ એસપી બલરામ મીણાના માર્ગદર્શન હેઠળ રૂરલ ક્રાઇમ બ્રાન્ચના ઇન્ચાર્જ પીઆઇ જે.એમ.ચાવડા તથા પીએસઆઇ આર.એ.જાડેજાની ટીમે દરોડો પાડી ઇંગ્લીશ દારૂની પ૦૪ બોટલ કિંમત ૧.પ૧ લાખના જથ્થા સાથે લાલસીંગ ઉમેદસીંગ જાદવ (રહે. લક્ષ્મીનગર, શેરી નં. ર, રાજકોટ)ને ઝડપી લીધો હતો.

આ દારૂનો જથ્થો રાજકોટના નામચીન બુટલેગર ધમો વ્યાસ તથા હર્ષદ ઉર્ફે મહાજન  માણેકલાલ માંડલીયાએ રાજકોટનો હોવાનું અને ઉકત મકાનમાં આ દારૂનો જથ્થો ઉતાર્યો હોવાનું ખુલતા આ બંન્નેે સામે તથા તપાસમાં ખુલે તે અન્યો શખ્સો સામે પડધરી પોલીસ મથકમાં ગુનો દાખલ કરાયો હતો.(૪.૩)

(11:40 am IST)
  • બૈતૂલના ભાજપના સાંસદ જ્યોતિ ધુર્વનું જાતિ પ્રમાણપત્ર કેન્સલ ;વધી શકે છે મુશ્કેલી :જનજાતીય કાર્ય વિભાગની તપાસ સમિતિએ ધૂર્વનું અનુસૂચિત જનજાતિ પ્રમાણપત્ર રદ કરવા પરનો પ્રતિબંધ હટાવ્યો :એટલે કે જ્યોતિ ધુર્વ જનજાતીય વર્ગના નથી access_time 1:02 am IST

  • કચ્છ :ગાંધીધામ માં આરોપી પકડવા ગયેલ પોલિસ અને ગુનેગાર વચ્ચે ઘર્ષણ :ગાંધીધામ ના શાંતીધામ વિસ્તારમાં લૂંટના આરોપીની બાતમીએ પોલિસ તપાસ માટે ગઈ હતી :આરોપી અને તેના મળતીયાએ પ્રતિકાર કરતા પોલિસની જવાબી કાર્યવાહી :પૂર્વ કચ્છ LCB અને SOG એ કર્યું 2 રાઉન્ડ ફાયરિંગ :2 શખ્સો ને પોલીસે દબોચ્યાં :વધુ કાર્યવાહી ચાલુ access_time 11:00 pm IST

  • વિડીયો : નોટબંધી ને બે વર્ષ ઉપરાંત થવા આવ્યા છતાં હજુ જૂની ચલણી નોટો પકડાઈ રહી છે. નવસારી લોકલ ક્રાઇમ બ્રાન્ચ પોલીસે પોલીસે ત્રણ કરોડથી વધારેની હજાર અને પાંચસોની બંધ થઈ ગયેલી જૂની ચલણી નોટો સાથે ચાર લોકોને ઝડપી પાડ્યા છે. આ જૂની ચલણી નોટો મુંબઈથી નવસારીમાં નવસારીમાં, નવી નોટો સામે બદલાવવા માટે આવી હોવાનું પ્રાથમિક તપાસમાં ખુલ્યુ હતું. હવે એક બહુ મોટો પ્રશ્ન પોલીસ અને પ્રશાસન સામે આવી રહ્યો છે કે આખિરકાર આ જૂની ચલણી નોટોને નવી નોટો સામે કોણ બદલી આપે છે?? (વિડીયો - સ્પીડ રિપોર્ટ) access_time 3:38 pm IST