Gujarati News

Gujarati News

News of Monday, 11th January 2021

સફાઇ કોન્‍ટ્રાકટ બંધ કરાવી સફાઇ કામદારોની ભરતી કરવા માંગ

અખિલ ભારતીય સફાઇ મજદુર સંઘ દ્વારા સફાઇ કોન્‍ટ્રાકટ બંધ કરવા માંગ ઉઠાવી અને મ્‍યુ. કમિશનરને આવેદન પાઠવી જણાવ્‍યું છે કે રાજકોટ મહાનગરપાલિકામાં ચાલતા સફાઇ કોન્‍ટ્રાકટ બંધ કરવા તેમજ તેમને પુરૂ વેતન આપવુ સુપ્રીમ કોર્ટની ગાઇડ લાઇન મુજબ રોજે રોજ કામ લેતા તમામને સરકારશ્રીની ગાઇડ લાઇન મુજબ દરેક કામદારને પુરૂ વેતન આપવું. આ સફાઇ કોન્‍ટ્રાકટ જે સુપ્રીમ કોર્ટે હંગામી તેમજ તાત્‍કાલીક ધોરણે કાર્ય કરવા માટે કોન્‍ટ્રેકટ પ્રથા દાખલ કરેલ હતી, પરંતુ હવે તો દરેક જગ્‍યાએ કોન્‍ટ્રાકટથી કામ આપીને કામદારનું શોષણ કરવાની નીતિ પણ બનતી જાય છે,  ત્‍યારે આવી કોન્‍ટ્રાકટ પધ્‍ધતી બંધ કરવામાં આવે અને કાયમી સફાઇ કામદારોની નિમણુંક કરવામાં આવે તેવી અખિલ ભારતીય સફાઇ મઝદૂર સંઘના શહેર પ્રમુખ કિરણભાઇ વાઘેલા  તેમજ શહેર મહામંત્રી નવીન વાઘેલા, મણીદીપ પરમાર, ભરતભાઇ, સરજુભાઇ, ભરત મકવણા, તેમજ જયોત્‍સનાબેને માંગણી કરી હતી. તે વખતની તસ્‍વીર.

 

(4:39 pm IST)
  • મુખ્યમંત્રી વિજયભાઈ રૂપાણીના હસ્તે માંડવી તાલુકાના સઠવાવ ખાતે 'કાકરાપાર-ગોરધા-વડ ઉદ્દવહન પાઇપલાઇન યોજના'નુ કરાયુ લોકાર્પણ સંપન્ન : રૂ.૫૭૦ કરોડના ખર્ચે સાકાર થયેલી યોજનાથી માંડવી અને માંગરોળ તાલુકાના કુલ ૮૯ ગામોના ૪૯,૫૦૦ એકર વિસ્તારને સિંચાઈનો લાભ મળશે : ૩ મધ્યમ ડેમ, ૨ મોટા તળાવો, ૬ કોતરો અને ૩૦ ચેકડેમોમાં પાણી સંગ્રહ થશે. માંડવી અને માંગરોળ તાલુકાના ૨૯૦૦૦ આદિજાતિ ખેડૂત પરિવારોમા ઉગશે સમૃદ્ઘિનો સૂરજ ઉગશે access_time 11:46 am IST

  • વેકસીન સેન્ટરો ઉપર ખાસ ત્રણ રૂમોની વ્યવસ્થા : ૧૬ તારીખથી કોરોના વેકસીન અપાયા પછી કેટલોક સમય લોકોને નિરીક્ષણમાં રાખવામાં આવશે : તત્કાળ સારવારની સુવિધા : કોઇ સમસ્યા થશે તો તાત્કાલિક સારવાર અપાશે : વેકિસન સેન્ટર પર ત્રણ રૂમ તૈયાર કરાયા છે, વેઇટીંગ રૂમ, વેકિસન અને ઓબ્ઝર્વેશન રૂમ હશે : કોરોનાની વેકિસનેશનને લઇને મુખ્યમંત્રી વિજયભાઇ રૂપાણીની મહત્વની જાહેરાત access_time 11:46 am IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 12,447 કેસ નોંધાયા :કુલ કેસની સંખ્યા 1,04,79,879 થઇ :એક્ટિવ કેસ 2,13,546 થયા: વધુ 18,502 દર્દીઓ સ્વસ્થ થતા કુલ 1,01 ,10,634 થયા :વધુ 166 લોકોના મોત સાથે કુલ મૃત્યુઆંક 1,51,364 થયો access_time 1:00 am IST