Gujarati News

Gujarati News

News of Monday, 11th January 2021

વધુ પડતું નશીલુ પ્રવાહી પીવાથી તબિયત બગડીઃ ગંજીવાડાના જાહીદશાનું મોત

અકસ્માત નડ્યો હોઇ એકાદ વર્ષથી ઘરે જ હતોઃ ત્રણેક દિવસથી મહમદીબાગમાં પિતાના ઘરે હતોઃ બે સંતાને પિતાની છત્રછાંયા ગુમાવતાં પરિવારમાં માતમ

રાજકોટ તા. ૧૧: ગંજીવાડામાં મેરામબાપાની વાડી પાસે રહેતો જાહીદશા મહમદશા શાહમદાર (ઉ.વ.૩૧) ગઇકાલે કોઠારીયા સોલવન્ટ પાસે મહમદીબાગમાં પિતાના ઘરે હતો ત્યારે તબિયત બગડતાં બેભાન જેવો થઇ જતાં સિવિલ હોસ્પિટલમાં ખસેડાયો હતો. પરંતુ અહિ તેનું મોત નિપજ્યું હતું. હોસ્પિટલ ચોકીના સ્ટાફે તાલુકા પોલીસને જાણ કરતાં પીએસઆઇ એ. જી. અંબાસણા અને રમેશભાઇએ જરૂરી કાર્યવાહી કરી હતી. મૃત્યુ પામનાર બે ભાઇ અને એક બહેનમાં મોટો હતો. સંતાનમાં એક પુત્ર અને એક પુત્રી છે. તેના પરિવારજનના કહેવા મુજબ એક વર્ષ પહેલા અકસ્માત નડ્યો હોઇ જાહીદશા કામ કરી શકતો ન હોઇ ઘરે જ રહેતો હતો. બે ત્રણ દિવસથી પિતાના ઘરે આવ્યો હતો. નશો કરવાની આદત હતી. ગઇકાલે કોઇ પ્રવાહી વધુ પડતું પી ગયા બાદ કદાચ હાર્ટએટેક આવી ગયાની શકયતા તેના પરિવારજનોએ જણાવી હતી.

(4:01 pm IST)
  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 12,447 કેસ નોંધાયા :કુલ કેસની સંખ્યા 1,04,79,879 થઇ :એક્ટિવ કેસ 2,13,546 થયા: વધુ 18,502 દર્દીઓ સ્વસ્થ થતા કુલ 1,01 ,10,634 થયા :વધુ 166 લોકોના મોત સાથે કુલ મૃત્યુઆંક 1,51,364 થયો access_time 1:00 am IST

  • આગામી થોડા મહિનાઓમાં 30 કરોડ લોકોને રસી આપવાનું આયોજન : વેક્સીન વિષે ફેલાતી ગેરસમજણ રોકવાની જવાબદારી રાજ્ય સરકારોની : શરૂઆતના 3 કરોડ નાગરિકોને વેક્સીન આપવાનો ખર્ચ કેન્દ્ર સરકાર ભોગવશે : કેરળ ,રાજસ્થાન ,હિમાચલ પ્રદેશ ,હરિયાણા ,મધ્ય પ્રદેશ ,યુ.પી. ,દિલ્હી ,ગુજરાત ,તથા મહારાષ્ટ્રમાં બર્ડ ફ્લૂની પુષ્ટિ : રાજ્યોના મુખ્યમંત્રીઓ સાથેની બેઠકમાં વડાપ્રધાન શ્રી નરેન્દ્ર મોદી access_time 5:31 pm IST

  • વેકસીન સેન્ટરો ઉપર ખાસ ત્રણ રૂમોની વ્યવસ્થા : ૧૬ તારીખથી કોરોના વેકસીન અપાયા પછી કેટલોક સમય લોકોને નિરીક્ષણમાં રાખવામાં આવશે : તત્કાળ સારવારની સુવિધા : કોઇ સમસ્યા થશે તો તાત્કાલિક સારવાર અપાશે : વેકિસન સેન્ટર પર ત્રણ રૂમ તૈયાર કરાયા છે, વેઇટીંગ રૂમ, વેકિસન અને ઓબ્ઝર્વેશન રૂમ હશે : કોરોનાની વેકિસનેશનને લઇને મુખ્યમંત્રી વિજયભાઇ રૂપાણીની મહત્વની જાહેરાત access_time 11:46 am IST