Gujarati News

Gujarati News

News of Monday, 11th January 2021

ખુનના ગુનામાં પકડાયેલ આરોપીની માનવતાની વચગાળાની જામીન અરજી રદ

રાજકોટ તા. ૧૧: ખુનના ગુન્હાના આરોપીની માનવતાના ધોરણે જામીન ઉપર છુટવાની જામીન અરજી અદાલતે રદ કરી હતી.

ગત તા. પ-પ-૧૪ના રોજ લુણીધાર રેલ્વે સ્ટેશન પાસે રેલ્વે ટ્રેક ઉપરથી લાશ મળી આવેલ અને તે લાશ આરોપીએ છરીના ઘા મારી ખૂન કરી અને હત્યાનો ગુન્હો અકસ્માતમાં ખપાવી દેવા લાશને રેલ્વે ટ્રેક ઉપર મુકી નાસી ગયેલ તે ગુન્હામાં પોલીસે આરોપી વિપુલ ઉર્ફે વિપલો લાભુભાઇ મેતા તથા અન્ય આરોપીઓની ધરપકડ કરેલ અને જેલ હવાલે કરેલ.

જેલ હવાલે રહેલ આરોપી વિપુલ ઉર્ફે વિપલાએ જેલમાંથી માનવતાના ધોરણે તેમના ઘરની આર્થિક પરિસ્થિતિને પહોંચી વળવા દિવસ ૪પ ના કામ ચલાઉ જામીન મળવા અરજી કરતા સરકાર તરફે સરકારી વકીલે તે અરજીનો વિરોધ કરતા રજુઆત કરેલ કે આરોપીએ બેરહમીથી અનિરૂધ્ધ ઉર્ફે કડાકો કરણભાઇ સોનારાની હત્યા નિપજાવેલ છે અને આ પહેલા પણ અનેક વાર જામીન અરજી કરેલ છે. જે કોર્ટે રદ કરેલ છે.

 આ કામમાં સરકાર તરફે સરકારી વકીલ મુકેશભાઇ પીપળીયા રોકાયેલ હતા.

(3:58 pm IST)
  • મુખ્યમંત્રી વિજયભાઇ રૂપાણીની અધ્યક્ષતામાં બોડેલી ખાતે લોકાર્પણ અને ખાતમુહૂર્ત કાર્યક્રમ :મુખ્યમંત્રી વિજયભાઇ રૂપાણીના હસ્તે રૂ. ૬૧૩.૧૬ કરોડના વિવિધ પ્રકલ્પોનું લોકાર્પણ અને ખાતમુહૂર્ત access_time 11:46 am IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 12,447 કેસ નોંધાયા :કુલ કેસની સંખ્યા 1,04,79,879 થઇ :એક્ટિવ કેસ 2,13,546 થયા: વધુ 18,502 દર્દીઓ સ્વસ્થ થતા કુલ 1,01 ,10,634 થયા :વધુ 166 લોકોના મોત સાથે કુલ મૃત્યુઆંક 1,51,364 થયો access_time 1:00 am IST

  • બોરસદમાં પતંગની દોરીએ 7 વર્ષનાં બાળકનો ભોગ લીધો. સૂર્ય મંદીર રોડ પર પિતા સાથે બાઈક પર બેસીને જતા બાળકનું પતંગની દોરીથી ગળુ કપાયું access_time 9:09 pm IST