Gujarati News

Gujarati News

News of Monday, 11th January 2021

મકર સંક્રાંતિના દિવસે કોઇને પણ ડીજે સિસ્ટમ ભાડે આપવી નહિઃ ધંધાર્થીઓને એસીપી દિયોરાએ સમજાવ્યા

રાજકોટઃ આ વખતે કોરોનાને કારણે બીજા તહેવારોની જેમ મકરસંક્રાંતિના તહેવાર ઉપર પણ નિયમો લાદવામાં આવ્યા છે.  રાજકોટ શહેરમાં અગાસી પર માસ્ક વગર એકઠા ન થવા અને બહારના મહેમાનોને એક બીજાના ઘરે ન જવા તેમજ અગાસી પર ડીજે નહિ વગાડવા સહિતના કાયદા લાગુ પાડવામાં આવ્યા છે. ઘણા રાજકોટવાસીઓ સંક્રાંતને દિવસે ડીજે સિસ્ટમ અને જનરેટર ભાડે લઇને અગાસીએ પતંગ ચગાવવાની સાથે ડાન્સની મજા પણ માણતા હોય છે. ડીજે સિસ્ટમ ભાડે આપતાં હોય તેવા ધંધાર્થીઓને એસીપી પી. કે. દિયોરાએ પ્ર.નગર પોલીસ મથકે બોલાવી આ વખતે ડીજે સિસ્ટમ કોઇને ભાડે ન આપવા અને બીજાને  પણ આ અંગેની જાણ કરવા સમજ આપી હતી. પીએસઆઇ બોરીસાગર પણ તસ્વીરમાં નજરે પડે છે.

(3:56 pm IST)
  • ત્રણ નવા કૃષિ કાનૂનના વિરોધમાં વધુ એક ખેડૂતે આત્મહત્યા કરી દિલ્હીની સરહદે દેખાવો કરી રહેલા કિસાનોને સમર્થન દેતા ચેન્નઈના પેરુમલ નામના ખેડૂતે આત્મહત્યા કરી છે. access_time 9:01 pm IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 12,447 કેસ નોંધાયા :કુલ કેસની સંખ્યા 1,04,79,879 થઇ :એક્ટિવ કેસ 2,13,546 થયા: વધુ 18,502 દર્દીઓ સ્વસ્થ થતા કુલ 1,01 ,10,634 થયા :વધુ 166 લોકોના મોત સાથે કુલ મૃત્યુઆંક 1,51,364 થયો access_time 1:00 am IST

  • વિરાટ કોહલી પિતા બન્યાઃ પત્ની અનુષ્કા શર્માએ પુત્રીને જન્મ આપ્યો : ભારતીય ક્રિકેટ ટીમના કેપ્ટન વિરાટ કોહલી પિતા બન્યા છે. તેમના પત્ની અને ફિલ્મ અભિનેત્રી અનુષ્કા શર્માએ પુત્રીને જન્મ આપ્યો છે. લક્ષ્મીજીના આગમનથી પરિવારમાં ઉત્સાહ છવાયો છે. access_time 4:44 pm IST