Gujarati News

Gujarati News

News of Monday, 11th January 2021

નવા બસ સ્ટેન્ડમાંથી હજુ ભાવનગર - જુનાગઢ તરફની બસો શરૂ નહિ કરાતા મુસાફરોમાં ભારે દેકારો : ૧૦ પ્લેટફોર્મ ખાલી પડયા છે !!

અધુરામાં પુરૃં માધાપર અને ભાવનગર રોડ પર ડેપો બનાવવાની વાતથી મુસાફરોને ભારે હાલાકી થશે : પાર્સલમાં પણ ભારે તકલીફ થશે : ડિવીઝન કચેરી તાકિદે નિર્ણય લ્યે તે જરૂરી : એસટી કર્મચારીઓમાં પણ કચવાટ

રાજકોટ તા. ૧૧ : રાજકોટને રાજ્ય સરકારે ૧૫૦ કરોડના ખર્ચે ગામની વચ્ચે નવુ અદ્યતન એસટી બસ સ્ટેન્ડ બનાવ્યું, પરંતુ રાજકોટ ડિવીઝનનો અણધડ વહિવટને કારણે મુસાફરોને હાલ ભારે હાલાકી ભોગવવી પડતી હોવાની અને ભવિષ્યમાં આ હાલાકી વધે તો નવાઇ નહી તેમ ખુદ એસટી કર્મચારીઓ અને અધિકારીઓ કહી રહ્યા છે.

હાલ નવા બસ પોર્ટ ઉપરથી ભાવનગર તરફની અને ગોંડલ રોડ પરની એટલે કે ગોંડલ, જેતપુર, જૂનાગઢ, વેરાવળ તરફ જતી બસો સિવાયની તમામ બસો જૂના બસ સ્ટેન્ડ શાસ્ત્રી મેદાનથી ઉપાડાય છે, નવુ બસ પોર્ટમાં ૩૬ પ્લેટફોર્મ છે, ૧૦ જેટલા પ્લેટફોર્મ ખાલી પડયા છે, છતાં ભાવનગર - જૂનાગઢ તરફથી બસો ઉપાડાતી નથી, એસટી તંત્ર પોતાની સવલતને કારણે મુસાફરોને હાલાકી આપી રહ્યું છે.

અધુરામાં પુરૃં માધાપર ચોકડી પાસે અને ભાવનગર રોડ પર ૮૦ ફુટના ખૂણે નવા બસ ડેપો બની રહ્યા છે, માધાપર ચોકડીએથી જામનગર - મોરબી તરફથી તો ભાવનગર રોડ પરથી ભાવનગરની બસો ભવિષ્યમાં ઉપાડાશે, પરીણામે જામનગર - ભાવનગર - મોરબી જવા માંગતા મુસાફરોને આ બંને ડેપો સુધી લાંબુ થવું પડશે. મુસાફરોમાં આ બાબતે પ્રચંડ રોષ છે, એટલું જ નહી પાર્સલ સેવામાં પણ વેપારીઓને ભારે હાલાકી પડશે, આથી આ બંને બાબતે ડિવીઝન કચેરી તાકિદે નિર્ણય લ્યે તે જરૂરી બન્યું છે.

(3:49 pm IST)
  • મુખ્યમંત્રી વિજયભાઈ રૂપાણીના હસ્તે માંડવી તાલુકાના સઠવાવ ખાતે 'કાકરાપાર-ગોરધા-વડ ઉદ્દવહન પાઇપલાઇન યોજના'નુ કરાયુ લોકાર્પણ સંપન્ન : રૂ.૫૭૦ કરોડના ખર્ચે સાકાર થયેલી યોજનાથી માંડવી અને માંગરોળ તાલુકાના કુલ ૮૯ ગામોના ૪૯,૫૦૦ એકર વિસ્તારને સિંચાઈનો લાભ મળશે : ૩ મધ્યમ ડેમ, ૨ મોટા તળાવો, ૬ કોતરો અને ૩૦ ચેકડેમોમાં પાણી સંગ્રહ થશે. માંડવી અને માંગરોળ તાલુકાના ૨૯૦૦૦ આદિજાતિ ખેડૂત પરિવારોમા ઉગશે સમૃદ્ઘિનો સૂરજ ઉગશે access_time 11:46 am IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 12,447 કેસ નોંધાયા :કુલ કેસની સંખ્યા 1,04,79,879 થઇ :એક્ટિવ કેસ 2,13,546 થયા: વધુ 18,502 દર્દીઓ સ્વસ્થ થતા કુલ 1,01 ,10,634 થયા :વધુ 166 લોકોના મોત સાથે કુલ મૃત્યુઆંક 1,51,364 થયો access_time 1:00 am IST

  • મુખ્યમંત્રી વિજયભાઇ રૂપાણીની અધ્યક્ષતામાં બોડેલી ખાતે લોકાર્પણ અને ખાતમુહૂર્ત કાર્યક્રમ :મુખ્યમંત્રી વિજયભાઇ રૂપાણીના હસ્તે રૂ. ૬૧૩.૧૬ કરોડના વિવિધ પ્રકલ્પોનું લોકાર્પણ અને ખાતમુહૂર્ત access_time 11:46 am IST