Gujarati News

રાજકોટ તા ૧૦ : રાજકોટમાં ૨૬મી જાન્યુઆરીની રાજયકક્ષાની ઉજવણી અંતર્ગત ૧૩૦૦ કરોડના લોકાર્પણ-ખાતમુહૂર્ત થઇ રહયા છે.

દરમિયાન માધાપર ચોકડી પાસે ૬૦ કરોડના ખર્ચે ઓવરબ્રીજ બનાવવા અંગેનું કામ પણ  આવરી લેવાયું છે. આ બ્રીજનું રાજયના નાણાંમંત્રીશ્રી નીતિન પટેલ હસ્તે ખાતમુહૂર્ત થશે.

આ બ્રીજ અંગે ૧૨ એજન્સીઓએ ટેન્ડર ભર્યા છે, તેની ટેકનીકલ બીડ આજે ખોલાશે.

બીજીબાજુ બ્રીજ અંગે આદેશ આવતા રાજકોટના માર્ગ-મકાન વિભાગના ઇજનેર શ્રી સોલંકી, ગાંધીનગર દોડી ગયા છે, ટેન્ડર ફાઇનલ થયે વર્ક ઓર્ડર તાકીદે આપી દેવા આદેશો થયા છે, અર્જન્ટ કામ તરીકે લેવા સરકારની સુચના હોવાનું સુત્રોએ ઉમેર્યુ છે.