Gujarati News

Gujarati News

News of Tuesday, 10th December 2019

વોર્ડ નં.૧રની 'વોર્ડ ઓફીસ' અન્યત્ર ખસેડવા સહીતના પ્રશ્નો ઉકેલવા માંગ

ભાજપ અગ્રણી ગોરધન લીંબાસીયાની મ્યુ.કમિશનરને રજુઆત

રાજકોટ તા.૧૦ : શહેરના વોર્ડ નં.-૧રની વોર્ડ ઓફીસને અન્યત્ર ખસેડવા આ વિસ્તારના ભાજપના અગ્રણી ગોરધનભાઇ લીબાસિયાએ મ્યુ.કમિશનરને આવેદનપત્ર પાઠવી રજુઆત કરી છે.

આ રજૂઆતમાં જણાવાયું છે કે, રાજકોટની જનતાને સાથ સાહેબના નેતૃત્વમાં સુખ અને સુવિધા અવિરત મળતા રહે તેવી અપેક્ષા સહ વધુમાં જણાવવાનું કે અમારા વોર્ડ નં. ૧૧ માં મવડી ચોકડી પાસે આવેલ વોર્ડ નં. ૧ર ની વોર્ડ ઓફીસ વરસોથી આવેલ છે. જે વોર્ડ નંબર ૧૧ મવડી ચોકડી પાસે ઘણો ટ્રાફીક અને સફાઇ કામદાર તેમજ વાહનથી ભરપુર હોય છે. જે રસ્તો કાયમી માટે બંધ હાલત જેવો હોય, જે અનેક પ્રકારે વાત વાતમાં ઝઘડા ઉભા કરે છે. વોર્ડ નં. ૧ર ની ઓફીસ અહીંથી અન્યત્ર ખસેડવાથી કાયમી ધોરણે ટ્રાફીક તેમજ ઝઘડા હળવા થશે જેથી ઉપરની સોસાયટી વાસીઓને ઝઘડામાંથી હળવાશ અનુભવશે.

ઉપરાંત મવડી રોડ ઉપર વિશ્વેશ્વર મંદિરથી મવડી ચોકડી સુધી મવડી રોડ ઉપર આવેલ શાક માર્કેટને અન્ય જગ્યાએ કાયમી ધોરણે બીજા વિસ્તાર જેવા કે કોઠારીયા રોડ, બેડીપરા, રૈયા રોડ ઉપર આવેલ શાક માર્કેટની માફક મવડી ચોકડીથી વિસ્તારમાં સરકારી કોર્પોરેશનના પ્લોટમાં શાક માર્કેટ ઉભી કરવી. રસ્તો પહોળો કરવા યોગ્ય અમારી લાગણીસભર માગણી છે.

(4:26 pm IST)
  • દેશમાં રોજગારીની કોઈ કમી નથી : નોટબંધી પછી બેરોજગારી વધ્યાના કોઈ ચિન્હ દેખાતા નથી : લોકસભામાં શ્રમ રોજગાર મંત્રી ગંગવાર ઉવાચ access_time 8:08 pm IST

  • ઓલ ઇન્‍ડિયા સ્‍ટુડેન્‍ટસ યુનિયને વિવાદાસ્‍પદ નાગરીકતા સુધારાબીલ સામેના વિરોધમાં સમગ્ર આસામમાં ૩૦ સ્‍થાનીક સંગઠનો સાથે પ્રદર્શન કર્યું અને નરેન્‍દ્રભાઇ, અમિતભાઇ અને આસામના મુખ્‍ય પ્રધાન સર્બાનંદ સોનવાલના પૂતળા બાળ્‍યાઃ બધાજ વકતાઓએ એક જ સુરમાં કહ્યું વિવાદાસ્‍પદ નાગરીકતા સુધારા બિલને કોઇપણ ભોગે સ્‍વીકારવામાં આવશે નહિ access_time 4:35 pm IST

  • ભારત-રશિયા વચ્ચે સેનાની ત્રણે પાંખ વચ્ચેની લશ્કરી કવાયત 'ઇન્દ્રા'નો પ્રારંભ થયો access_time 2:25 am IST