Gujarati News

Gujarati News

News of Tuesday, 10th December 2019

પડધરીના ખોડાપીપર ગામે પુત્રવધુની હત્યાના કેસમાં નણંદની જામીન અરજી મંજૂર

રાજકોટ, તા. ૧૦  પડધરીના ખોડાપીપર ગામે થયેલ પુત્રવધુના ખૂન કેસમાં નણંદના જામીન મંજૂર કરવાનો અદાલતે હુકમ કર્યો હતો.

આ ચકચારી કેસની વિગત જોઇએ તો આ કામના ફરીયાદી અશોકભાઇ ડાયાભાઇ ખુમાણ જાતે અનુજાતિ રહે. જીલરીયા વાળાએ ગત તારીખ ૪-પ-૧૯ના રોજ પોતાની મરણજનાર બહેન રંજનબહેનના પતિ ડાહ્યાભાઇ નાગજીભાઇ ચૌહાણ, નણંદ શાન્તાબેન અને સાસુ પુંજીબેન ગગજીભાઇ ચૌહાણ બધા રહે. ખોડાપીપર તાલુકો પડધરી વિરૂદ્ધ પડધરી પોલીસ સ્ટેશનમાં આઇ.પી.સી.ની કલમ ૩૦ર, ૪૯૮ (એ), ૩૪ મુજબ આ કામના આરોપીઓએ મરણજનાર સાત વર્ષના લગ્ન જીવન દરમ્યાન પરેશાન કરી મારજુડ કરી સાથે મળી આજરોજ તારીખ ૪-પ-ર૦૧૯ના રોજ ફરીયાદીના બહેન રંજનબેનને ગળે કાપડની સાડી વડે ગળે ટુપો આપી દઇ મોત નિપજાવી એકબીજાનો સમાન ઇરાદો પાર પાડી મદદગારી કરી ગુન્હો કર્યા બાબત ફરીયાદ નોંધાવેલ હતી.

આ કામે મરણજનાર રંજનબેનના નણંદ શાંતાબેન વિનોદભાઇ મકવાણાએ હાઇકોર્ટમાં રેગ્યુલર જામીન માટે જામીન અરજી કરેલ. આરોપીના વકીલો દ્વારા રજૂઆત કરવામાં આવેલ કે મરણજનારના નણંદ થતા હોય પોતે પણ એક સ્ત્રી છે. ચાર્જશીટ પક્ષોના વકીલોની દલીલો તથા હાઇકોર્ટ સુપ્રિમ કોર્ટના ચૂકાદાઓ ધ્યાને લઇ ગુજરાત હાઇકોર્ટએ આરોપી શાન્તાબેનની જામીન અરજી મંજૂર કરેલ છે.

આ કામમાં શાંતાબેન વતી હાઇકોર્ટમાં વકીલ શ્રી વિકી મહેતા તથા રાજકોટના રૂપરાજસિંહ પરમાર, અજીત પરમાર, કુલદીપસિંહ બી. જાડેજા, દિપક ભાટીયા, ભરત સોમાની, શિવરાજસિંહ ઝાલા, શકિત ગઢવી વગેરે રોકાયેલ હતાં.

(4:09 pm IST)
  • જીએસટી કાઉન્સીલે નિયુકત કરેલા રેવન્યુ બાબતના ઓફીસરોની એક મહત્વની બેઠક અત્યારે સાંજે પૂરી થઇ જેમાં આ અધિકારીઓએ ૫% જીએસટીનો સ્લેબ વધારીને ૮ % કરવાનો અને ૧૨ % જીએસટીનો સ્લેબ વધારીને ૧૫ ટકા કરવાની ભલામણ કરી છે (ન્યુઝ ફર્સ્ટ દ્વારા) access_time 5:27 pm IST

  • હૈદરાબાદ એન્કાઉન્ટર મામલે હાઇકોર્ટે ઉઠાવ્યા સવાલઃ પોલીસ સામે નામજોગ FIR કરવા હાઇકોર્ટનો આદેશ :એન્કાઉન્ટરમાં સામેલ દરેક પોલીસ કર્મચારીઓ સામે એફઆઈઆર નોંધાવવી પડશેઃ પોલીસ કર્મચારીઓને કેસનો સામનો કરવો પડશે access_time 1:09 pm IST

  • લાંચ પ્રકરણમાં સંડોવણી બાદ સુરત કોંગ્રેસની આકરી કાર્યવાહી : મહિલા કોર્પોરેટર કપિલા પટેલને પાર્ટીમાંથી સસ્પેન્ડ કરાયા : લાંચ પ્રકરણ અંગે શહેર કોગ્રેસ દ્વારા પ્રદેશ કક્ષાએ જાણ કરાઈ : પ્રદેશકક્ષાએથી મળેલ નિર્દેશ મુજબ શહેર પ્રમુખે કપિલા પટેલને કર્યા સસ્પેન્ડ access_time 10:57 pm IST