Gujarati News

Gujarati News

News of Friday, 10th August 2018

ખેરવાના મહેન્દ્રસિંહ ઝાલાને આબિદે ધોકો ફટકાર્યોઃ દૂકાન ચાલુ રાખવી હોય તો પૈસા દેવા પડશે કહી ૪ હજાર પડાવી ગયો!

રાજકોટ તા. ૧૦: કુવાડવાના ખેરવા ગામે રહેતાં અને પીપરડી ગામના પાટીયા પાસે પાન-બીડીની દૂકાન ધરાવતાં મહેન્દ્રસિંહ સજુભા ઝાલા (ઉ.૫૬) નામના પ્રોૈઢ દૂકાને સાંજે એકલા હતાં ત્યારે ખેરવાના આબીદ અલીભાઇ બાદીએ આવી ઝાપટો મારી તેમજ ખભા પર ધોકો ફટકારી જાનથી મારી નાંખવાની ધમકી આપી 'દૂકાન ખુલ્લી રાખવી હોય તો પૈસા દેવા પડશે' તેમ કહી ગલ્લામાંથી ચારેક હજાર રૂપિયાની રોકડ લઇ ભાગી જતાં આ પ્રોૈઢ સારવાર માટે રાજકોટ સિવિલ હોસ્પિટલમાં દાખલ થયા છે.

હોસ્પિટલ ચોકીના એએસઆઇ જગુભા ઝાલાએ જાણ કરતાં કુવાડવાના હેડકોન્સ. હમીરભાઇ સબાડે તેની ફરિયાદ પરથી આબીદ સામે ગુનો નોંધ્યો હતો. ફરિયાદમાં નોંધાયું છે કે આબીદ પાની બીડીની કેબીને આવી ગાળો બોલતો હોઇ મહેન્દ્રસિંહે ગાળો બોલવાની ના પાડતાં ઝપાઝપી કરી હતી અને જમણા ખભે ધોકો ફટકારી મારી નાંખવાની ધમકી આપી ભાગી ગયો હતો.

જો કે મહેન્દ્રસિંહે એવો આક્ષેપ કર્યો છે કે આબીદે કારણ વગર ગાળો દઇ માર મારી દૂકાન ચાલુ રાખવી હોય તો પૈસા આપવા પડશે તેમ કહી ધમકાવી ગલ્લામાંથી ચાર હજાર રૂપિયા લઇ લીધા હતાં. પોલીસે આ બાબતે તપાસ હાથ ધરી છે.

(4:10 pm IST)
  • SBIની ખોટ રૂ. ૪૮૭૬ કરોડ થઇ : ર૦૧૮-૧૯ના પ્રથમ ત્રિમાસિક પરિણામો જાહેર (એપ્રિલથી જુન): એનપીએ ઘટયું access_time 3:50 pm IST

  • એંજલીના જોલીએ પૂર્વ પતિ બ્રેડ પિટ્ને કોર્ટમાં ઘસેડ્યો :અમેરિકી અભિનેતા બ્રેડ પીટ અને અભિનેત્રી એંજલીના જોલી 2016માં લગ્ન બાદ અલગ થયા હતા :હવે એંજલીનાં જોલીએ બ્રેડ પર આરોપ મુક્યો કે તલ્લાકના કેસ દાખલ કર્યા બાદ પિત્ત તેના બાળકોનો ખર્ચ આપતો નથી :પીટે આરોપને ફગાવ્યા ;તેના વકીલે કોર્ટમાં કહ્યું એન્જલિનાને અત્યાર સુધીમાં પીટ 13 લાખ ડોલરથી વધુ રકમ આપી ચુક્યો છે access_time 12:56 am IST

  • બ્રિટનમાં વાવાઝોડું અને વરસાદ : ચક્રવાત સાથે ભારે વરસાદ થતા રસ્તાઓ ઉપર પાણી ભરાયા access_time 8:24 pm IST