Gujarati News

Gujarati News

News of Monday, 10th May 2021

જિલ્લા પંચાયતના વિપક્ષી નેતા તરીકે ફરી અર્જુન ખાટરિયા

રાજકોટ તા. ૮ :.. સૌરાષ્ટ્રની સૌથી મોટી રાજકોટ જિલ્લા પંચાયતમાં વિપક્ષ કોંગ્રેસના નેતા તરીકે સિનીયર સભ્ય અર્જુન ખાટરિયાની વરણી કરવામાં આવી છે. (મો. ૯૭૧૪૦ પપપપપ) ઉપનેતા તરીકે સોનલબેન બાળોદ્રાની વરણી થઇ છે.

ગયા ફેબ્રુઆરીમાં યોજાયેલ સામાન્ય ચૂંટણીમાં ભાજપને રપ અને કોંગીને ૧૧ બેઠકો મળેલ. હાલ બન્ને પક્ષના એક-એક સભ્યના અવસાનથી બે બેઠકો ખાલી પડી છે. અર્જુન ખાટરિયા ચોથી વખત જિલ્લા પંચાયતના સભ્ય તરીકે ચૂંટાયા છે. પ્રથમ ટર્મમાં એક વર્ષ બાંધકામ સમિતિના અધ્યક્ષ, બીજી ટર્મમાં પાંચ વર્ષ વિપક્ષી નેતા અને ત્રીજી ટર્મમાં અઢી વર્ષ કારોબારી અધ્યક્ષ તરીકે રહી ચૂકયા છે. પંચાયતની વહીવટી અને રાજકીય પરિસ્થિતિથી વાકેફ છે. કોંગી નેતાગીરીએ ફરી તેમને વિપક્ષી નેતા તરીકે જવાબદારી સોંપી છે. તેમણે રચનાત્મક વિપક્ષ તરીકે ભૂમિકા ભજવવાની અને જરૂર પડયે અવાજ ઉઠાવવાની ખાતરી આપી છે.

(11:57 am IST)
  • પુડુચેરીના નવનિયુક્ત મુખ્યપ્રધાન એન. રંગાસ્વામી કોરાના સંક્રમીત થયા છે . હાલ હોસ્પીટલમા સારવાર હેઠળ access_time 12:29 am IST

  • કોરોનાથી રાજકોટ શહેરમાં આજે પણ થોડી રાહત વર્તાઈ અને ગ્રામ્ય વિસ્તારમાં કોરોનાનો આતંક યથાવત : આજે સાંજ સુધીમાં રાજકોટ શહેરમાં 319 અને ગ્રામ્યના 253 કેસ સાથે કુલ 572 નવા કોરોના ના કેસ નોંધાયા access_time 7:22 pm IST

  • સૌરાષ્ટ્રની સુપ્રસિદ્ધ તુલસીશ્યામ જગ્યાના મહંત પૂજ્ય બાલકૃષ્ણદાસબાપુ ૧૦૧ વર્ષની વયે બ્રહ્મલીન થયા : મહુવા તાલુકાના કાટકડા સંજીવની આશ્રમ ખાતે પૂજ્ય બાલકૃષ્ણદાસબાપુનુ દુઃખદ નિધન થયું છે. સૌરાષ્ટ્ર સહિત મુંબઈ સુધીના તેમના સેંકડો સેવકોમાં શોકનો માહોલ. સોમનાથમાં ચાલી રહેલી રામ કથા દરમિયાન પૂજ્ય મોરારીબાપુએ પણ શોક વ્યક્ત કર્યો હતો. access_time 3:49 pm IST