Gujarati News

Gujarati News

News of Saturday, 10th April 2021

રાજકોટને ૧૦ હજાર રેમડેસીવિર ફાળવાયા : ગોટાળા કરનાર સામે ફોજદારી

પ્રત્‍યેક કોરોના દર્દીને જરૂરી સારવાર માટે તંત્ર સજ્જ છે : ૨૦૦૦ હજાર ઈન્‍જેકશન ખાનગી હોસ્‍પિટલ અને ૧૦૦૦ ગ્રામ્‍ય વિસ્‍તારને ફાળવી દેવાયા : સમરસ હોસ્‍ટેલમાં ૫૦૦ બેડ, સિવિલમાં ૫૬ બેડ તાત્‍કાલીક શરૂ કરાયા : સાંજ સુધીમાં વધુ ૧૮૦ બેડની સુવિધા થઈ જશે : ડે. કલેકટર પી.પી. પંડયા દ્વારા વિગતો જાહેર

રાજકોટ તા. ૧૦ : શહેરમાં કોરોના સંક્રમણ બેકાબુ બન્‍યું છે ત્‍યારે કલેકટર તંત્ર કોરોનાના દર્દીને જરૂરી સારવાર માટે સજ્જ છે તેમ ડે.કલેકટર પરિમલ પંડયાએ જાહેર કર્યું છે.

આ અંગે શ્રી પંડયાએ વિગતો જાહેર કરતા જણાવ્‍યું હતું કે સિવિલ કોવિડ હોસ્‍પિટલ માટે આજે ૧૦ હજાર રેમડેસીવિર ઇન્‍જેકશનનો જથ્‍થો ફાળવી દેવાયો છે.

જ્‍યારે ખાનગી કોવિડ હોસ્‍પિટલોને પણ ૨ હજાર રેમડેસીવિર આપી દેવાયા છે.

જ્‍યારે ગ્રામ્‍ય વિસ્‍તાર માટે પણ ૧૦૦૦ રેમડેસીવિર આપી દેવાયા છે. આમ, આજની સ્‍થિતિએ રાજકોટ શહેર - જિલ્લામાં રેમડેસીવિરનો જથ્‍થો ઉપલબ્‍ધ છે ત્‍યારે આ ઇન્‍જેકશન માટે જો કોઇ પણ હોસ્‍પિટલ કે ડોકટરો ગોટાળા કરતા હોવાની ફરિયાદ ઉઠશે તો તેની સામે સીધી ફોજદારી ફરિયાદ થશે.

જ્‍યારે દર્દીઓ માટે સમરસ હોસ્‍ટેલમાં ૫૦૦ બેડ તૈયાર કરી નંખાયા છે. સિવિલમાં ૫૬ વધુ બેડ રાખી દેવાયા છે.

ઉપરાંત સાંજ સુધીમાં વધુ ૧૮૦ બેડ ઉપલબ્‍ધ બનાવાશે. જેમાં ૧૨૦ બેડ, એચ.સી.જી. હોસ્‍પિટલમાં ૨૦ બેડ, બી.ટી.સવાણી કીડની હોસ્‍પિટલમાં ૨૫ અને શાંતિ હોસ્‍પિટલમાં ૨૦ બેડએ પ્રમાણે કોવિડ વોર્ડના બેડ ઉપલબ્‍ધ થઇ જશે.

આમ, કલેકટર તંત્ર કોરોનાના દર્દીઓ માટે બેડની અછત તથા દવા - ઇન્‍જેકશનોની અછત નિવારવા ઘનિષ્‍ઠ પગલા લઇ રહ્યું છે.

આમ, છતાં જો કોઇપણ હોસ્‍પિટલ સંચાલકો સામે કોવિડ બેડ, દવા કે ઇન્‍જેકશનની કૃત્રિમ અછત જેવા ગોટાળા કરતા હોવાની ફરિયાદ મળશે તો તુરંત જ તેની સામે ફોજદારી પગલા લેવાશે તેમ ડે.કલેકટર શ્રી પંડયાએ અંતમાં જણાવ્‍યું હતું.

 

(3:44 pm IST)
  • સુરતમાં બપોર સુધીમાં અધધ... ૪૨૩ કેસ નોંધાયા : સુરતમાં કોરોનાનો કહેર યથાવત છે. આજે બપોર સુધીમાં શહેરમાં ૩૩૧ અને ગ્રામ્‍યમાં ૯૨ કેસ આમ કુલ ૪૨૩ કેસ નોંધાયા છે access_time 3:56 pm IST

  • ચૂંટણી પ્રચાર રેલીમાં માસ્ક નહીં પહેરવા બદલ ચૂંટણી પંચ આકરા પાણીએ : હવે જો રેલીમાં માસ્ક પહેરેલા જોવા નહીં મળે તો રેલી ઉપર પ્રતિબંધ મૂકી દેવામાં આવશે : ચૂંટણી પંચે તમામ રાજકીય પક્ષોને નોટિસ મોકલી access_time 12:04 pm IST

  • લુલુ ગ્રૂપના ડિરેક્ટર અને ભારતીય મૂળના ઉદ્યોગપતિ યુસુફ અલી એમ.એ.ને અબુધાબીના ક્રાઉન પ્રિન્સ દ્વારા સર્વોચ્ચ નાગરિક સન્માનથી સન્માનિત કરવામાં આવ્યા છે. યુસુફ અલી ઉપરાંત અન્ય 11 લોકોને પણ આ સન્માન આપવામાં આવ્યું છે. આ સન્માન તેમને તેમના સેવાભાવી કાર્યોને કારણે આપવામાં આવ્યું છે. access_time 11:26 pm IST