Gujarati News

Gujarati News

News of Saturday, 10th April 2021

રાજકોટમાં કોરોનાનો આતંક યથાવતઃ નવા ૨૦૩ કેસ : આજે વધુ ૩૨ લોકોના શ્વાસ થંભી ગયા

સરકારની કોવિડ ઓડિટ કમિટીનાં રિપોર્ટ મુજબ ગઇકાલે ૩૪ પૈકી ૫ જ કોવિડ ડેથઃ હાલમાં ૩૨૬ દર્દીઓ સારવાર હેઠળઃ કુલ કેસનો આંક ૨૧,૯૭૨ થયોઃ આજ દિન સુધીમાં ૧૯,૩૫૩ દર્દીઓ સાજા થયાઃ રિકવરી રેટ ૮૮.૯૦ ટકા થયોઃ હાલમાં ૨૨૪૩ દર્દીઓ સારવાર હેઠળ

રાજકોટ તા. ૧૦: શહેર - જિલ્લામાં કોરોનાનાં કેસ અને મોતનો આંક દિવસેને દિવસે વધતો જાય છે ત્યારે છેલ્લા ૨૪ કલાકમાં કોરોનાની સારવાર દરમિયાન ૩૨નાં મૃત્યુ થયા છે. જયારે શહેરમાં બપોર સુધીમાં ૨૦૩ કેસ નોંધાયા છે.

આ અંગે તંત્રની સતાવાર વિગતો મુજબ રાજકોટમાં કોરોનાની સારવાર હેઠળ તા.૯નાં સવારનાં ૮ વાગ્યા થી તા.૧૦નાં સવારનાં ૮ વાગ્યા સુધીમાં છેલ્લા ૨૪ કલાકમાં શહેર-જીલ્લાના ૩૨ દર્દીઓએ દમ તોડી દીધો હતો.

 ગઇકાલે ૩૪ પૈકી ૫ મૃત્યુ કોરોનાને કારણે થયાનું સરકારની કોવિડ ઓડિટ કમિટીનાં રિપોર્ટમાં જણાવ્યુ હતુ.

શહેર અને જીલ્લામાં સરકારી-ખાનગી હોસ્પિટલમાં ૩૨૬ બેડ ખાલી છે.

નોંધનીય છે કે છેલ્લા અઠવાડિયાથી રાજકોટ શહેરમાં કોરોના સંક્રમણનો આંકડો ૩૦૦ને પાર કરી ગયો છે ત્યારે શહેર - જિલ્લાનું આરોગ્ય તંત્ર ફરી હરકતમાં આવ્યું છે અને ટેસ્ટીંગ વધાર્યું છે. કન્ટેન્ટમેન્ટ ઝોનની કામગીરીમાં ઝડપ લાવવામાં આવી છે. જેથી સંક્રમણને કાબુમાં લઇ શકાય.

દરમિયાન છેલ્લા ૨૪ કલાકમાં કોવિડ હોસ્પિટલમાં  દર્દીઓના મોતથી લોકોમાં ફફડાટ ફેલાયો છે.

 બપોર સુધીમાં કોરોનાના ૨૩૦ કેસ

આ અંગે મ્યુ.કોર્પોરેશનની સતાવાર માહિતીમાં જણાવ્યા મુજબ આજે બપોરે ૧૨ વાગ્યા સુધીમાં   કુલ ૨૦૩નવા કેસ સાથે શહેરમાં અત્યાર સુધીમાં કુલ  ૨૧,૯૭૨ પોઝીટીવ કેસ નોંધાઇ ચુકયા છે.

ગઇકાલે કુલ ૧૦,૫૨૮ સેમ્પલ લેવાયા હતા.જેમાં ૩૪૦ કેસ નોંધાતા પોઝિટિવ રેટ ૩.૨૨ ટકા થયો  હતો. જયારે ૧૮૬ દર્દીઓે સાજા થયા હતા.

આજ દિન સુધીમાં ૭,૪૮,૬૬૪ લોકોનાં  ટેસ્ટ કરવામાં આવ્યા છે. જેમાંથી ૨૧,૯૭૨ સંક્રમીત થતા પોઝિટિવ રેટ ૨.૯૦ ટકા થયો છે.

જયારે શહેરમાં હાલમાં સરકારી હોસ્પિટલ, ખાનગી હોસ્પિટલ તથા હોમ આઇસોલેશન હેઠળ ૨૨૪૩  દર્દીઓ સારવાર હેઠળ છે.

(2:55 pm IST)
  • તેલંગણાની વીમા તબીબી સેવા અને રાજ્ય કર્મચારી વીમા વિભાગ સાથે સંકળાયેલા રૂ. 200 કરોડના કૌભાંડ કેસમાં એન્ફોર્સમેન્ટ ડિરેક્ટોરેટે આજે હૈદરાબાદમાં સાત સ્થળો પર દરોડા પાડ્યા હતા. આ દરોડા દરમિયાન આશરે 3 કરોડની રોકડ, આશરે 1 કરોડની કિંમતના ઝવેરાત, કોરા ચેક, પ્રોપર્ટી ડોક્યુમેન્ટ્સ અને બેંકોના ઘણા લોકરો મળી આવ્યા હોવાનું જાણવા મળે છે. આ દરોડા એક પૂર્વ પ્રધાન અને તેના અંગત સહાયકના સબંધીઓ પર પણ પાડવામાં આવ્યા હતા. access_time 11:56 pm IST

  • લોકડાઉનના ડરના કારણે સૌરાષ્ટ્રવાસીઓ અને પરપ્રાંતીયોએ સુરતથી પોતાના વતન તરફ દોટ મૂકી access_time 4:44 pm IST

  • રાજકોટની પંચનાથ હોસ્પિટલમાં આવતીકાલે સીટીસ્કેન અને લેબોરેટરી વિભાગ ચાલુ રહેશે : કોરોનાની મહામારીને પગલે દર્દીઓ હેરાન ન થાય અને સુવિધાઓ મળી રહે તે માટે પંચનાથ હોસ્પિટલમાં આવતીકાલે સીટી સ્કેન વિભાગ અને હોસ્પિટલ વિભાગ ચાલુ રહેશે તેમ દેવાંગ માંકડે જણાવ્યુ છે. access_time 4:27 pm IST