Gujarati News

Gujarati News

News of Wednesday, 10th February 2021

રાજકોટ જીલ્લામાંથી ગુમ ર૦ લાખના મોબાઇલ ફોન માલીકોને પરત અપાયા

રાજકોટ તા. ૧૦ : રાજકોટ જીલ્લામાં અલગ અલગ ગામમાંથી છેલ્લા ત્રણ માસમાં ગુમ થયેલા ૧૩૪ મોબાઇલ ફોનના મૂળ માલીકોને શોધી પોલીસે પરત કર્યા હતા.

રૂરલ એસપી બલરામ મીણાની સુચનાથી ડી.વાય.એસ.પી. પી.એસ. ગોસ્વામીના માર્ગદર્શન હેઠળ પી.એસ.આઇ. એચ.એચ.વાજા તથા કોમ્યુટર શાખાના પોલીસ સ્ટાફ સાથે મળી રાજકોટ જીલ્લામાં ગુમ થયેલ મોબાઇલ ફોન શોધવા અંગે મહેનત કરી રાજકોટ ગ્રામ્ય જીલ્લા ઉપરાંત ગુજરાત રાજયના અલગ અલગ જીલ્લામાંથી પણ અલગ અલગ કંપનીના મોબાઇલ ફોન ટ્રેસ કરી તા.૧/૧૧/ર૦ર૦ થી તા.૮/ર/ર૦ર૧ કુલ મોબાઇલ ફોન નંગ ૧૩૪ ની કુલ અંદાજીત કીમત રૂ. ૧૯.૪૩.૧૧૩ ના શોધી કાઢી રાજકોટ જીલ્લા પોલીસ વડા બલરામ મીણાના હસ્તે તેમના મુળ માલીક અપાયા હતા.

આ સમગ્ર કામગીરીમાં રાજકોટ ગ્રામ્યના પી.એસ.આઇ. એચ.એચ.વાજા તથા પો.હેડકોન્સ ચંદ્રેશભાઇ ખોખર તથા પો.હેડ કોન્સ. દિવ્યેશભાઇ ગોહિલ પો.કોન્સ. વૈભવભાઇ ગોહેલ તથા પો.કોન્સ મયુરભાઇ ઝાપડીયા તથા પો.કોન્સ. ભાવેશભાઇ મકવાણા (એલ.સી.બી.) તથા પો.કોન્સ શોભનાબેન વેકરીયા દ્વારા કરવામાં આવેલ છે. રાજકોટ ગ્રામ્ય જીલ્લા પોલીસ દ્વારા નાગરીકોને બીલ વગરના મોબાઇલ ન લેવા તેમજ બીનવારસી મોબાઇલ મળી આવે ત્યારે નજીકના પોલીસ મથકમાં જમાં કરાવવા અપીલ કરવામાં આવી છે.

(3:59 pm IST)
  • અધીર રંજન વિરૂધ્ધ વિશેષાધીકાર ભંગનો ઠરાવ સંસદમાં મૂકાયો : ગ્રેગ થનબર્ગ ઉપર નિવેદન કરવા અંગે ભાજપના સાંસદ પી.પી.ચૌધરીએ કોંગ્રેસના સાંસદ અધીર રંજન ચૌધરી વિરૂધ્ધ વિશેષાધીકાર ભંગની દરખાસ્ત લોકસભામાં રજૂ કરી છે. access_time 11:29 am IST

  • રાજકોટ જીલ્લા પંચાયતની ૩૬ બેઠકોમાં ફોર્મ ભરવાના શ્રીગણેશ : આજે બપોરે અઢી વાગ્યે રાજકોટ જીલ્લા પંચાયતની ૧૪ - કસ્તુરબાધામ બેઠક ઉપર બીએસપીએ ઝૂકાવ્યુ છે : પક્ષમાં કરશનભાઈ લક્ષ્મણભાઈ પરમારે રીટર્નીંગ ઓફીસર ચરણસિંહ ગોહીલ સમક્ષ ફોર્મ રજૂ કર્યુ હતું : રાજકોટ જીલ્લા પંચાયત ચૂંટણીમાં બસપાએ ખાતુ ખોલાવ્યુઃ ૧ ફોર્મ ભરાયું : જીલ્લા પંચાયતની ચૂંટણી માટે આજે ૧૪-કસ્તુરબાધામ (ત્રંબા)માંથી બસપાના કરશનભાઈ લક્ષ્મણભાઈ પરમારે ફોર્મ ભર્યુ access_time 3:56 pm IST

  • કેન્દ્ર શાસિત પ્રદેશ દાદરા નગર હવેલી, દમણ અને દીવ સંપૂર્ણપણે કોરોના મુક્ત સંઘ પ્રદેશ બન્યા: સમગ્ર દેશમાં સૌથી વધુ રિકવરી રેટ સાથે સંઘ પ્રદેશ અગ્રેસર :દિવમાં પ્રવાસન શરૂ હોવા છતાં 100 ટકા રિકવરી રેટ : સંઘ પ્રદેશ વહીવટી તંત્રે નાગરિકોના સહયોગને બિરદાવ્યો access_time 12:00 pm IST