Gujarati News

Gujarati News

News of Wednesday, 10th February 2021

જિલ્લા પંચાયતમાં ભૂપત બોદર, નિલેષ વિરાણી, તોગડિયા, દાફડા, રંગાણી વગેરેને ભાજપની ટીકીટ

કાલ સુધીમાં સત્તાવાર જાહેરાત થશેઃ પડધરીમાં તળપદા-પેઢડિયા વચ્ચે ખેંચતાણ

રાજકોટ તા.૧૦ : જિલ્લા પંચાયતની ૩૬ બેઠકો માટે ભાજપના ૩૬ ઉમેદવારો નકકી થઇ ગયા છે. જેમને ટીકીટ મળી છે તેમને મૌખીક સંકેત અપાઇ રહ્યા છે. તા.૧રમીએ ઉમેદવારી પત્રો ભરવાના છે આજે રાત અથવા કાલે સવાર સુધીમાં સતાવાર યાદી જાહેર થાય તેવા વાવડ છે.

જિલ્લા પંચાયતની ત્રંબા બેઠકમાં ભૂપત બોદર, સરધારમાં નિલેષ વિરાણી, જેતપુરના થાણાગાલોળમાં પી.જી.કયાંડા, લોધીકામાં મોહનભાઇ દાફડા, પારડીમાં મુકેશ તોગડિયા, કુવાડવામાં શ્રીમતી રંગાણી દેરડીમાં રાજુ ડાંગર, બેડલામાં ભરતભાઇ ગોહેલના પરિવારમાંથી ટીકીટ નકકી થઇ ગયાનું જાણવા મળે છે આટકોટમાં રાદડિયા પરિવારની મહિલાને ટીકીટ મળી રહી છે પડધરી બેઠકમાં ધીરૂભાઇ તળપદા અને મનોજ પેઢડિયા વચ્ચે છેલ્લી ઘડી સુધી ખેચતાણ છે. પેઢડિયાનું પલ્લુ ભારે જણાય છે.

વર્ષ ર૦૧પમાં ભાજપને માત્ર બે બેઠકો (મહિલા) મળી હતી આ વખતે ભાજપ પૂર્ણ બહુમતીના વિશ્વાસ સાથે મેદાને છે. ઉમેદવારોના નામ અંગે વધુ માહિતી મેળવાઇ રહી છે.

(3:57 pm IST)
  • જહોન્સન એન્ડ જહોન્સનને ભારતમાં વેકિસન બનાવવી છે ભારતે કહ્યુ છે કે જહોન્સન એન્ડ જહોન્સન કંપની ભારતમાં તેની કોવિડ વેકસીનનું ઉત્પાદન કરવા માંગે છે access_time 10:15 am IST

  • રાજકોટ મહાપાલિકા ચૂંટણીઃ હવે બુથ દીઠ ૪૦ને બદલે ૨૫ હજારનો ખર્ચઃ કોરોના અંગે હવે માત્ર મતદારો માટે મોજા લેવાનાઃ બાકીની તમામ વસ્તુઓ ગાંધીનગરથી આવશે : રાજકોટ મહાનગરપાલિકા ચૂંટણીમાં રાજ્ય ચૂંટણી પંચ દ્વારા ખર્ચના અસરકારક પગલાઃ હવે બુથ દીઠ ૪૦ને બદલે ૨૫ હજારનો ખર્ચઃ કોરોના સંદર્ભે હાથમોજા અને શોપ બોકસ લેવાના રહેશેઃ બાકી સેનેટાઈઝર, ફેસશિલ્ડ, માસ્ક વિગેરે તમામ વસ્તુ ગાંધીનગરથી ડાયરેકટ ફાળવાશેઃ રાજ્ય ચૂંટણી પંચ તરફથી આવેલી સૂચના access_time 3:05 pm IST

  • કોંગ્રેસ પછી ભાજપે પણ થ્રી લાઇનનો વ્હીપ આપ્યો આજે સંસદમાં આખો દિવસ હાજર રહેવા અને સરકારના સ્ટેન્ડને સમર્થન આપવા ભાજપે તેના સંસદ સભ્યોને થ્રી લાઇન વ્હીપ આપેલ છે. access_time 10:16 am IST