Gujarati News

Gujarati News

News of Saturday, 10th February 2018

રાજકોટવાસીઓ ચિંતા ન કરે, પાણી કાપ નહિ જ આવે : રૂપાણીનું વચન

નર્મદા કેનાલ મારફત પાણી ચાલુ રહેશે અથવા નર્મદાના પાણીથી સરકાર આજી ડેમ ભરી દેશે

રાજકોટ, તા. ૧૦ : મુખ્યમંત્રી શ્રી વિજય રૂપાણીએ નર્મદા ડેમમાંથી ગુજરાતને વધુ પાણી ઉપાડવા દેવા માટેની મંજુરી આપવાના નર્મદા કંટ્રોલ ઓથોરીટીના નિર્ણયને વધાવી સમગ્ર રાજય માટે ૩૧ જુલાઇ સુધીનું પીવાના પાણીનું આયોજન થઇ ગયાનું અને રાજકોટમાં પાણી કાપ નહિ આવે તેવું વચન આપ્યું છે.

મુખ્યમંત્રી શ્રી વિજય રૂપાણીએ આજે અકિલા સાથેની વાતચીતમાં જણાવેલ કે નર્મદા કેનાલ મારફત રાજકોટને પાણી આપવાનું ચાલુ રાખવું અથવા રાજકોટ માટે બનાવેલ ખાસ પાઇપ લાઇન યોજનાથી ડેમ ભરીને પાણી આપવું તે બે વિકલ્પો છે. જો કેનાલ મારફત પાણી આપવાનું બંધ કરાશે તો પાઇપ લાઇનથી આજી ડેમ ભરી દેવામાં આવશે. સરકાર પાસે બંન્ને વિકલ્પ છે બેમાંથી કોઇપણ વિકલ્પથી રાજકોટને પાણી આપી શકાય છે. રાજકોટને હાલ દરરોજ ર૦ મીનીટ પાણી વિતરણ કરવામા આવે  છે તે યથાવત રહેશે. પાણી કાપ આવે તેવી કોઇ સ્થિતિ જ નથી. રાજકોટમાં પાણી કાપ આવશે નહિ. પ્રજા ચિંતા ન કરે, ચિંતા કરવા માટે હું ગાંધીનગરમાં બેઠો છુ.

(4:11 pm IST)
  • રાજસ્થાનના ભીલવાડામાં હલવો ખાધા બાદ પાંચના મોત : ત્રણ ગંભીર : હોસ્પિટલમાં ખસેડાયા : ફૂડ પોઇઝનની અસર : હલવામાં કોઈ ઝેરી પ્રદાર્થ પડ્યો કે કેમ ? તપાસ શરૂ : એક ઘરમાં હળવો ખાધા બાદ તબિયત બગડી : ભીલવાડાના ભૂટેલમાં બનાવ access_time 9:23 am IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST

  • પ્રતિબંધ છત્તા તેજાબના ખુલ્લેઆમ વેચાણ વિરૂદ્ધ થયેલી અરજી અંગે સુપ્રીમ કોર્ટે કેન્દ્ર અને રાજ્ય સરકારોને નોટિસ ફટકારી : સુપ્રીમ કોર્ટે કેન્દ્ર અને તમામ રાજ્ય સરકારો પાસેથી જવાબ માંગ્યો : અરજીમાં સર્વોચ્ચ ન્યાયાલયના આદેશનું ઉલ્લંઘન થતું હોવાનું કહેવાયું છે access_time 9:22 am IST