Gujarati News

Gujarati News

News of Saturday, 10th February 2018

કોઠારીયા સોલવન્ટ વિસ્તારમાં પ્રાથમિક સુવિધા આપો પછી વેરા ઉઘરાવો

રવેચીનગર સહિતની સોસાયટીઓમાં લાઇટ-રસ્તા-ગટર- પાણીની સુવિધા જ નથી : લતાવાસીઓની કમિશ્નરને રજુઆત

રાજકોટ, તા. ૧૦ :  શહેરનાં કોઠારીયા વિસ્તારો છેલ્લા ૪ વર્ષેથી રાજકોટ મ્યુ. કોર્પોરેશનની હદમાં ભળી ગયો છે. છતાં હજુ સુધી કોઠારીયા સોલવન્ટ વિસ્તારમાં રસ્તા-ગટર-પાણી-લાઇન જેવી પ્રાથમિક સુવિધા નથી છતાં તંત્ર દ્વારા વેરા ઉઘરાવવા તજવીજ શરૂ કરી છે. ત્યારે સૌ પ્રથમ આ વિસ્તારમાં પ્રાથમિક સુવિધાઓ અપાયા બાદ જ વેરા બિલ આપવામાં આવે તેવી માંગ રવેચીનગર વિસ્તારનાં રહેવાસીઓએ ઉઠાવી છે.

આ અંગે રવેચીનગર શેરી નં.૧માં રહેતા જાગૃત નાગરિક મોહમદ અલી કાદરીએ મ્યુ. કમિશ્નરશ્રીને પાઠવેલ આવેદન પત્રમાં જણાવ્યું છે કે ૧૯૯ર થી આ વિસ્તારમાં લોકો વસવાટ કરે છે. છતાં સ્ટ્રીટલાઇન, ગટર, રસ્તા-પાણીની નિયમિત અને વ્યવસ્થિત સુધિવા નથી. આપવામાં આવી હવે મ્યુ. કોર્પોરેશને આ વિસ્તાર સંભાળી લીધો છે. ત્યારે તમામ પ્રકારનાં વેરા ઉઘરાવવા તજવીજ હાથ ધરાઇ છે. ત્યારે સૌ પ્રથમ આ વિસ્તારમાં રોડ-ગટર-લાઇટ પાણી જેવી રોજીંદી જરૂરીયાતની પ્રાથમિક સુવિધાઓ આપી દેવાય તો સમગ્ર વિસ્તારનાં રહેવાસીઓ સામુહિક રીતે સ્વેચ્છાએ વેરા ભરવા તૈયાર છે ત્યારે આ બાબતે તાત્કાલીક યોગ્ય કરવા માંગ છે. (૯.૭)

(3:00 pm IST)
  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST

  • મૈક્સિકોમાં ભૂકંપનો આંચકો : પશ્ચિમી પ્રશાંત કાંઠે 5,8ની તીવ્રતાનો ભૂકંપ : જલિસકો અને કોલીમાં રાજ્યની સીમા નજીક કિનારાથી 30 કી, મી, દૂર કેન્દ્રબિંદુ : નુકશાનના કોઈ અહેવાલ નથી access_time 9:22 am IST

  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST