Gujarati News

Gujarati News

News of Saturday, 10th February 2018

૯ાા લાખની કાર વેંચી રૂપિયા લઇ લીધા, પણ કાગળો ન આપ્યાઃ માથે જતાં ખૂનની ધમકી

ધ્રોલના લતીપરના ખોડા રામણી અને અજાણ્યા શખ્સ સામે બોમ્બે હાઉસીંગના લોહાણા યુવાન જગદીશભાઇ પલાણની ગાંધીગ્રામ પોલીસ મથકમાં ફરિયાદ

રાજકોટ તા. ૧૦: પંચાયત ચોક નજીક બોમ્બે હાઉસીંગ સોસાયટી શેરી નં. ૭માં ધોળકીયા સ્કૂલ સામે રહેતાં અને મેનપાવર કોન્ટ્રાકટર તરીકે કામ કરતાં જગદીશભાઇ ધીરજલાલ પલાણ (ઉ.૩૫) નામના લોહાણા યુવાનને કારના સોદામાં ધ્રોલ લતીપરના ખોડા નાગજીભાઇ રામાણીએ ઠગાઇ કરી માથે જતાં અન્ય શખ્સ સાથે મળી મારી નાંખવાની ધમકી આપતાં ફરિયાદ થઇ છે.

બનાવ અંગે ગાંધીગ્રામના પી.એસ.આઇ. એચ. બી. ગઢવીએ જગદીશભાઇની ફરિયાદ પરથી આઇપીસી ૪૦૬, ૪૨૦, ૩૮૭, ૫૦૪, ૫૦૬ (૨), ૧૧૪ મુજબ ગુનો નોંધ્યો છે. જગદીશભાઇના કહેવા મુજબ તેના બહેન પારૂલબેન લતીપરમાં ખોડા રામાણીની બાજુમાં રહે છે. તેને પોતાની હોન્ડા સીટી કાર ડીએલ૦૪સીએડબલ્યુ-૧૮૪૯ વેંચવાની હોઇ બહેન મારફત જાણ થતાં કાર જોઇને પસંદ કરી હતી. સોદો ૯ાા લાખમાં નક્કી થતાં ખોડા રામાણીને પ્રથમ રૂ. ૩ લાખ આરટીજીએસથી, બાદમાં પાંચ લાખ રોકડા અને બીજા દોઢ લાખ પોતાના બહેન મારફત ચુકવતાં તેણે કાર સોંપી દીધી હતી.

પરંતુ કારનું પાસીંગ ગુજરાત રાજ્યમાં નહિ કરાવી આપી તેમજ નામ ટ્રાન્સફર ન કરાવી કાગળો ન આપતાં તેની પાસે વારંવાર ઉઘરાણી કરતાં તેણે જો હવે કાગળો માંગ્યા તો વ્યાજખોરીની ફરિયાદમાં ફસાવી દઇશ તેમ કહી અન્ય શખ્સ સાથે ઘરે આવી ગાળોદઇ જાનથી મારી નાંખવાની ધમકી આપી હતી. તેમજ પોતાની કાર બળજબરીથી પરત ખેંચી જવા પ્રયાસ કર્યો હતો.

પોલીસે ઉપરોકત ફરિયાદને આધારે ખોડા રામાણી અને સાથેના શખ્સની શોધખોળ શરૂ કરી છે.

(12:37 pm IST)
  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST

  • ઉત્તરાખંડમાં રાષ્ટ્રપતિ શાસન રદ્દ કરવાનો ચુકાદો આપનાર હાઈકોર્ટના મુખ્ય ન્યાયામૂર્તિને સુપ્રિમ કોર્ટમાં પદોન્નતિ માટે મોદી સરકારે મંજૂરીનો ઈન્કાર કર્યો!! access_time 11:45 am IST

  • દિલ્હી સરકારે લાગુ કર્યો આનંદ મેરેજ એકટઃ શિખ સમુદાયનું લગ્નનું રજીસ્ટ્રેશન હવે હિન્દુ મેરેજ એકટને બદલે આનંદ મેરેજ એકટ હેઠળ થશેઃ સરકારે વર્ષો જુની માંગણી પુરી કરી access_time 11:45 am IST