Gujarati News

Gujarati News

News of Friday, 9th February 2018

પંચાયતની સામાન્ય સભાના એજન્ડામાં પ્રશ્નોતરી પણ પ્રશ્નો પૂછી શકાશે નહિ

થાળી-વાટકા મૂકાઇ ગયા, વાનગી પીરસાશે નહિ : જિલ્લા પંચાયત પ્રમુખનો 'આયોજનબદ્ધ' એજન્ડા

રાજકોટ, તા. ૯ : જિલ્લા પંચાયતની ખાસ સામાન્ય સભા (ખાસ બજેટ માટે) તા. ૧પમીએ સવારે ૧૧:૩૦ વાગ્યે બોલાવવા માટે પ્રમુખ નિલેષ વિરાણીની સૂચનાથી વહીવટી તંત્રએ એજન્ડા ગઇકાલે સાંજે બહાર પાડયો છે. જેમાં પ્રશ્નોતરી બાબતે શબ્દોની કરામત જોવા મળે છે.

કાર્યસૂચિના મુદ્દા નં. ર ઉપર 'પ્રશ્નો' એવું દર્શાવેલ છે. જેમાં પ્રશ્નોતરી માટે એક કલાકની સમય મર્યાદા અને પ્રમુખ બેલેટથી અગ્રક્રમ નક્કી કરે તેવો ઉલ્લેખ છે. પંચાયત ધારાની જોગવાઇ મુજબ સામાન્ય સભાના દિવસ પૂર્વેના ૭ દિવસ પહેલાની મુદ્દત સુધીમાં સભ્યોએ પ્રશ્નો રજૂ કરી દેવાના હોય છે. આ વખતે ખાસ સામાન્ય સભા હોવાથી માત્ર ૬ ચોખ્ખા દિવસો રાખી એજન્ડા પ્રસિદ્ધ કરવામાં આવ્યો છે. સભ્યો પાસે પ્રશ્નો રજુ કરવાનો જ સમય રહેતો નથી તો ચર્ચાને અવકાશ જ કઇ રીતે રહે ? પ્રશ્નોતરીનો ઉલ્લેખ માત્ર એજન્ડામાં રહી શકાશે. વાસ્તવમાં પ્રશ્નોની ચર્ચા થશે નહિ.

ભૂતકાળમાં અમૂક સભ્યોએ પંચાયત ધારાને ટાંકીને પ્રશ્નોતરીના ઉલ્લેખ વગરના એજન્ડાને પડકારેલ તેથી આ વખતે એજન્ડામાં પ્રશ્નોતરીનો ઉલ્લેખ કરી ઔપચારિકતા પૂરી કરવામાં આવી છે. છેલ્લે ૧ર ઓકટોબરે પ્રશ્નોતરી સાથેની સામાન્ય સભા મળેલ. સભ્યોને હવે પછી કયારે પ્રશ્નો પૂછવાની તક મળશે તે નક્કી નથી.

(4:35 pm IST)
  • જયપુરના જિલ્લા જજ ગજાનંદ શર્મા લાપતા : સવારથી ઘરેથી ગુમ : રાત સુધી કોઈ પતો નહીં લાગતા પરિવારજનોએ પોલીસમાં રિપોર્ટ કર્યો : પોલીસે કેટલાય સ્થળોએ કરી તપાસ access_time 9:23 am IST

  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • રાજસ્થાનના ભીલવાડામાં હલવો ખાધા બાદ પાંચના મોત : ત્રણ ગંભીર : હોસ્પિટલમાં ખસેડાયા : ફૂડ પોઇઝનની અસર : હલવામાં કોઈ ઝેરી પ્રદાર્થ પડ્યો કે કેમ ? તપાસ શરૂ : એક ઘરમાં હળવો ખાધા બાદ તબિયત બગડી : ભીલવાડાના ભૂટેલમાં બનાવ access_time 9:23 am IST