Gujarati News

Gujarati News

News of Friday, 9th February 2018

અચાનક બાઇક આડે આવેલા શખ્સે ત્રણ શખ્સો સાથે મળી બાઇક ચાલકને ધોકાવ્યો

અટીકાના ત્રિશુલ ચોકમાં બનાવઃ સ્વાતિ પાર્કના સુજીત સથવારાએ બાઇક ઉભુ રાખી દીધું છતાં એક શખ્સે આ રીતે કેમ ચલાવે છે? કહી ડખ્ખો કર્યોઃ વિજય કોળીની ધરપકડ

રાજકોટ તા. ૯: કોઠારીયા રોડ સ્વાતિ પાર્ક શેરી નં. ૧ બ્લેક નં. બી-૨૦માં રહેતાં સુજીત સવજીભાઇ રાઠોડ (ઉ.૩૫) નામના સથવારા યુવાનને અટિકા ઇન્ડસ્ટ્રીયલ એરિયા ત્રિશુલ ચોકમાં હતો ત્યારે વિજય અશોકભાઇ અત્રેશા અને સાથેના ત્રણ અજાણ્યા શખ્સોએ ઝઘડો કરી ગાળો દઇ લાકડી-ધોકાથી માર મારતાં ફરિયાદ થઇ છે.

સુજીત સાંજે સાડા આઠેક વાગ્યે પોતાનું બાઇક હંકારીને ત્રિશુલ ચોકમાંથી નીકળતાં એક શખ્સ અચાનક આડો આવી જતાં સુજીતે પોતાનું બાઇક બ્રેક મારી ઉભુ રાખી દીધુ હતું. એ સાથે જ વિજય ઉશ્કેરાયો હતો અને આ રીતે કેમ ચલાવે છે? કહી ગાળો દઇ ઝઘડો કરી ઢીકા-પાટુ માર્યા હતાં. તેમજ બીજા ત્રણ શખ્સો પણ આવી જતાં તેણે લાકડીના ધોકાથી ડાબા હાથની ટચલી આંગળી પર ઇજા કરી હતી. કોઇએ પોલીસને જાણ કરતાં પીસીઆર પહોંચી હતી. એ દરમિયાન એક શખ્સ પકડાઇ ગયો હતો. જેણે પોતાનું નામ વિજય અશોકભાઇ અત્રેશા (કોળી) કહ્યું હતું. બીજા ત્રણ ભાઇ ભાગી ગયા હતાં. ભકિતનગરના હેડકોન્સ. નરેન્દ્રભાઇ ખારવાએ ગુનો નોંધી તપાસ હાથ ધરી છે. (૧૪.૫)

(12:46 pm IST)
  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • જમ્મુ કાશ્મીર વિધાનસભામાં હોબાળોઃ પાકિસ્તાન વિરોધી સુત્રોચાર ભાજપના ધારાસભ્યોએ નારા લગાવ્યાઃ કેમ્પની બાજુમાં જ રહેતા હતા રોર્હિગ્યાઃ જૈશે રોહિગ્યાને બનાવ્યા હથિયાર access_time 2:03 pm IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST