Gujarati News

Gujarati News

News of Friday, 9th February 2018

મોટામવાના મયુર શીંગાળા હત્યા કેસના આરોપી ગાંડુ ભરવાડની માનવતાની અરજી રદ

આરોપીએ બીમારી સબબ વચગાળાના જામીનની માંગણી કરી હતી

રાજકોટ તા.૯: સૌરાષ્ટ્રભરમાં ચકચાર જગાવનાર મોટામવાના સરપંચ અને રાજકીય અગ્રણી મયુર શીંગાળા હત્યા કેસમાં સંડોવાયેલ ગાંડુ ભુરાભાઇ વકાતર (ભરવાડ) એ બીમારી સબબ માનવતાના ધોરણસર જામીન પર મુકત થવા કરેલ અરજી રાજકોટના એડી. સેસન્શ જજ બી.પી.પુજારાએ નામંજુર કરતો હુકમ ફરમાવેલ હતો.

બનાવની હક્કિત જોઇએ તો મોટામવા ગામના સરપંચ ગુજરનાર મયુર તળશીભાઇ શીગાળાનું તેનાજ ગામના આરોપીઓ (૧)ગાંડુ ભુરાભાઇ (૨)મહેશ ગાંડુભાઇ (૩)ઉત્તમ ગાંડુભાઇ (૪)વજુબેન ઉર્ફે ગાંડુભાઇ (૫)હંસા ઉર્ફે હેમા મગફ ગાંડુભાઇ (૬)લતા ઉર્ફે ટીની મળફ ગાંડુભાઇ (૭)વિનુ ઉર્ફે દેવજીભાઇ પુંજાભાઇ (૮)જયેશ વિનુભાઇનાઓએ પુર્વયોજીત કાવતરૂ રચી ગેરકાયદેસર મંડળી બનાવી સમાન હેતુ પાર પાડવા ગુજરનારનુ ખુન કરી ગુજરનારના શરીર પરના દાગીના તથા મોબાઇલ સહિતની લુંટ કરી નજરે જોનાર સાહેદોને મૂંઢ માર મારી જાનથી મારી નાખવાની ધમકી આપી તિક્ષ્ણ પ્રતિબંધીત હથીયારો ધારણ કરી પોલીસ કમિશનર શ્રીના જાહેર નામાનો ભંગ કરી ગુનો આચર્યા સંબંધેની મોટા મવાના રહીશ ગુજરનાર ના ભાઇ ભરત તળશીભાઇ શીંગાળાએ રાજકોટ તાલુકા પોલીસ સ્ટેશને આરોપીઓ વિરૂધ્ધ ફરીયાદ નોંધાવેલ.

ગત તા.૧૮-૧૧-૨૦૧૯ના બનેલ બનાવ અનુસંધાને આરોપી ગાંડુ ભુરાભાઇ ભરવાડ ત્યારથી જેલ હવાલે હોય, જેઓએ માનવતાના ધોરણે જામીન અરજી દાખલ કરી બીમારી સબબ વચગાળાના જામીન પર મુકત કરવા કરેલ.

ગુજરાત હાઇકોર્ટના ચુકાદા અનુસાર આરોપી મુકત નાગરીકની જેમ મેડીકલ સારવારની માંગણી કરી શકે નહી, મારા મંતવ્ય પ્રમાણે અરજદાર રેગ્યુલર કે ટેમ્પરરી જામીન મેડીકલના ગ્રાઉન્ડસર માંગણી કરેલ મંજુર કરવુ ન્યાયોચિત જણાતુ ન હોય, તેમ માની આરોપી ગાંડુ ભુરાની બીમારી સબબની માનવતાની જામીન અરજી નામંજુર કરતો હુકમ ફરમાવવામાં આવેલ છે.

ઉપરોકત કામમા મુળ ફરીયાદી ભરત શીંગાળા વતી રાજકોટના એડવોકેટ સુરેશ આર.ફળદુ, ભુવનેશ શાહી, કૃણાલ શાહી, સંજય ઠુંમર, સહદેવ દુધાગરા, જય પારેડી, કૈલાશ જાની, હિરેન ડોબરીયા તથા સ્પે.પી.પી. તરીકે નિરંજન એસ.દફતરી તથા મદદમાં ભાવીન દફતરી, દિનેશ રાવલ રોકાયેલ હતા.(૧.૭)

(12:45 pm IST)
  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST

  • પ્રતિબંધ છત્તા તેજાબના ખુલ્લેઆમ વેચાણ વિરૂદ્ધ થયેલી અરજી અંગે સુપ્રીમ કોર્ટે કેન્દ્ર અને રાજ્ય સરકારોને નોટિસ ફટકારી : સુપ્રીમ કોર્ટે કેન્દ્ર અને તમામ રાજ્ય સરકારો પાસેથી જવાબ માંગ્યો : અરજીમાં સર્વોચ્ચ ન્યાયાલયના આદેશનું ઉલ્લંઘન થતું હોવાનું કહેવાયું છે access_time 9:22 am IST

  • કલોલનાં દેવચોટીયા ગામે લાકડાના ફટકા મારી પતિએ કરી પત્નિની હત્યા access_time 2:03 pm IST