Gujarati News

Gujarati News

News of Friday, 9th February 2018

રાજકોટની મહિલાઓએ બનાવ્યું પેડવુમન ગ્રુપ :અક્ષયકુમારની ફિલ્મથી લીધી પ્રેરણા

પોતાના ખર્ચે પેડ બનાવી જનાના હોસ્પિટલમાં બાળકને જન્મ આપનારી માતાઓને કરે છે વિતરણ

 

રાજકોટ ;કોઈપણ સકારાત્મક વિચારોમાં સતત આગળ રહેતા રંગીલા રાજકોટ શહેરની મહિલાઓએ પેડવુમન ગ્રુપ બનાવ્યું છે અક્ષય કુમારની ફિલ્મ 'પેડમેન'થી પ્રેરણા લઇને રાજકોટની કેટલીક વિદ્યાર્થિનીઓએ મહિલા, યુવતિઓને જાગૃત કરવા માટે પોતાના ખર્ચે જાતે જેટલા પેડ બનાવી હોસ્પિટલમાં વિતરણ પણ કર્યાં હતા

 

  પેડવુમન ગ્રુપે શહેરની જનાના હોસ્પિટલ કે જ્યાં પછાત વર્ગની માતા બાળકોને જન્મ આપે છે ત્યાં જઇને પેડવુમન ગ્રુપે પેડ વિતરણ કર્યું હતું આગામી સમયમાં પણ કાર્ય ચાલુ રાખવાનો નિર્ણય પણ કર્યો છે.

 

    રાજકોટમાં પેડવુમન ગ્રુપની શરૂઆત કરનારી યશ્વી દોઢીવાળા કહે છે કે, તેણીને અક્ષયકુમારની આગામી ફિલ્મ 'પેડમેન'માંથી વિચાર આવતા પોતાની બહેન વિભુતીને વાત કરી કે જે ફેશન ડિઝાઇન સ્ટુડિયો ધરાવે છે. વિભુતીએ માટેની ડિઝાઇન બનાવીને કામ શરુ કર્યું. કોટનના વેસ્ટ કપડાંમાંથી રૂપિયા 10 હજાર ખર્ચીને 1500 પેડ બનાવ્યા. બાદમાં જરૂરિયાતવાળી મહિલાઓને વિતરણ કરી તેનો ક્ષોભ દુર કરવાની વાત અમલમાં મુકી છે.

    યશ્વી અને વિભુતીના પેડ અન્ય પેડ કરતા ઘણા અલગ છે. પ્યોર કોટનના બનેલા પેડ એકવાર યુઝ કરી ફરી વાપરી શકાય છે. જેથી ખોટા ખર્ચ થતા નથી. તેમજ વોશેબલ પેડ યુઝ કરવાથી સ્વાસ્થ્યને પણ નુકસાન થતું નથી. બંને બહેનોના વિચારને અનેક લોકોએ વઘાવ્યો હતો અને આવનારા દિવસોમાં જરૂરિયાતમંદને પેડ વિતરણ કરવાનું ચાલુ રાખવાનો નિર્ધાર કર્યો છે.

(9:11 am IST)
  • ફેહકુલ્વાયોની સિક્સર સાથે સાઉથ આફ્રિકાએ ચોથો વનડે 5 વિકેટે ભારત સામે જીતી લીધો : મેચમાં શીખર ધવનની નોંધાઈ જબરદસ્ત સદી : ભારતે આપેલ ૨૮ ઓવરમાં ૨૦૨ રનનો ટાર્ગેટ સાઉથ આફ્રિકાએ સરળતાથી પાર પાડ્યો : ભારત હજુ પણ સીરીઝમાં ૩-1થી આગળ access_time 1:56 am IST

  • અમિત શાહની મુલાકાત દરમિયાન સુરક્ષા માટે હરિયાણા સરકારે કેન્દ્ર પાસે ૧૫૦ CRPFની કંપનીઓ માંગી : જાટ સમુદાયના વિરોધનો ડર? access_time 12:31 pm IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST