Gujarati News

Gujarati News

News of Saturday, 9th November 2019

હિન્દુસ્તાનની ઓળખ જ કોમી એકતા, શાંતિ અને ભાઈચારો છેઃ યુસુફભાઈ જુણેજા

બિનજરૂરી વિવાદો ટાળવા અપીલ

રાજકોટઃ આજ રોજ નામદાર સુપ્રિમ કોર્ટ દ્વારા અયોધ્યા વિશે જે ચુકાદો આવેલ છે તેને સમસ્ત મુસ્લીમ સમાજ દ્વારા માન-સમ્માન પુર્વક સ્વીકારવામાં આવે છે.

ફકત એટલુ યાદ રાખીએ કે લોકો આપણા છે, શહેર આપણુ છે,દેશ આપણો છે., હિન્દુસ્તાનની ઓળખ જ કોમી એકતા, શાંતિ અને ભાઈચારો છે. ગામ, શહેર, દેશમાં પોતાના વતનમાં શાંતિ, સલામતિ, એકતા જાળવવાની સમજ અને શાણપણ કેળવવાની દરેક નાગરીકની પ્રથમ ફરજ છે. આપણે કોઈપણ કામ કરતા પહેલા સારા રાષ્ટ્રવાદી નાગરીક તરીકે વિચારવું જોઈએ કે જો મારા કામથી મારા સમાજ, મારા દેશ, અને દેશબંધુઓને નુકશાન થતુ હોય પણ મને લાભ મળતો હોય તો પણ એવુ કામ હું કદી નહી કરૂ. ભલે મને નુકશાન થાય, મારા દેશ, સમાજ અને દેશબંધુઓના હિત માટે, તેમના સુખ માટે હું મારૂ નુકશાન સહન કરી લઈશ. જે કામથી મને અને મારા દેશને લાભ થાય તેજ કામ કરીશ. તેમ મુસ્લિમ અગ્રણી યુસુફભાઈ જુણેજાએ એક યાદીમાં જણાવ્યું છે.

તેઓએ જણાવેલ કે આ ભાવના કેળવીને આપણે આ દહેશત ટાળવાની છે, આ દેશ આપણા બધાનો છે અને આપણે જ જાળવવાનો છે દેશને શાંત, સમુધ્ધ બનાવવાનો છે. દેશને તોડનારાઓની મેલી મુરાદ, સંપ, સમજણ સતર્કતાથી નીષ્ફળ બનાવવાની છે અને સદીઓથી સાથે પ્યાર મહોબ્બતથી સુખ દુઃખના સાથી બની જીવ્યા તેમ ફરીથી, ગંગા-જમુનાની એકતા જીવંત કરી સાથે જ રહેવાનું છે. ભારત મારો દેશ છે. હું ભારતીય છુ, અને મારા દેશને ચાહુ છું તથા વફાદર છુ તે સિધ્ધ કરવાનું છે, એક માનવીનું જીવન વધારે મહત્વનું છે, સમજો અને બધાને સીમજાવાં અને બિન જરૂરી વિવાદો ટાળવા. હાજી યુસુફભાઈ જુણેજા દ્વારા અપીલ કરાઈ છે.

(3:47 pm IST)
  • વર્લ્ડ ટી-૨૦માં પોતાનો રોલ સમજીને તેણે વધુ ધ્યાન આપવુ જોઈએ : રિષભ પંતને સલાહ આપતા કુમાર સંગકારાએ કહ્યુ... access_time 1:06 pm IST

  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST

  • ૨૦૨૩માં મેન્સ હોકી વર્લ્ડકપ ભારતમાં રમાશે : ૨૦૨૩ માં પુરૂષોની હોકી વર્લ્ડ કપ માટે ભારતની પસંદગી થઈ છે. host country તરીકે મેન્સ હોકી વર્લ્ડકપ માટે ભારતનું નામ જાહેર થયું છે access_time 6:09 pm IST