Gujarati News

Gujarati News

News of Saturday, 9th November 2019

ભાજપ આગેવાન ડી.વી.મહેતા, મુકેશ દોશી, જતીન ભરાડ સહીતનાની ખાનગી કોલેજમાં ગાંધીનગરથી તપાસઃ ખળભળાટ

જમીન, માલીકી, માળખાકીય સુવિધા, શૈક્ષણીક સ્ટાફ સહીતની બાબતોની તપાસઃ સૌરાષ્ટ્ર યુનિવર્સિટીની ધંધાદારી શિક્ષણકારો ઉપર ભરોસો તૂટયો? અનેક તર્કવિતર્ક

રાજકોટ, તા., ૯: ખાનગી કોલેજોમાં ચાલતું લોલંલોલ સામે સૌરાષ્ટ્ર યુનિવર્સિટીના ધંધાદારી કેવળણીકારોએ કોઇ ધ્યાન ન દેતા આખરે રાજય સરકારે હવે તપાસનો દોર જાતે સંભાળી યુનિવર્સિટી સામે મોટો પડકાર ફેંકયો છે.

ભાજપ અગ્રણી અને જૈન સમાજમાં આગળ પડતા ગણાતા ડી.વી.મહેતાની ગાર્ડી હોમીયોપેથીક કોલેજમાં રાજય સરકારે મોકલેલા બે ઓફીસરોએ જમીન માપણીના દસ્તાવેજો, માળખાકીય સુવિધા તેમજ શૈક્ષણીક અને બીનશૈક્ષણીક સ્ટાફની વાસ્તવિકતા ચકાસી છે. ખાનગી શાળા સંચાલકોમાં વિવાદાસ્પદ ગણાતા ડી.વી.મહેતાની કોલેજમાં પ્રથમ તપાસ થતા અનેકવિધ ચર્ચાઓએ જોર પકડયું છે.

ડી.વી.મહેતા ઉપરાંત ભાજપના આગેવાન અને સામાજીક સંસ્થાઓ સાથે જોડાયેલા મુકેશ દોશીની આરડી ગારડી એજયુકેશન કોલેજ ઉપરાંત ખાનગી શાળા સંચાલક મંડળના પુર્વ પ્રમુખ જતીન ભરાડ તેમજ આર્ય તેજ બીએડ કોલેજ મોરબી, જામકંડોરણા બીએડ કોલેજ, બી.વી.મણવર બીએડ કોલેજ, ડુમીયાણી, એચ.જે.દોશી આઇટી કોલેજમાં શિક્ષણ વિભાગના અધિકારીઓએ તપાસ હાથ ધરી છે.

ઉચ્ચ શિક્ષણ વિભાગમાં ચર્ચાતી વિગતો મુજબ અગાઉ સૌરાષ્ટ્ર યુનિવર્સિટીના કુલપતિ કે એકેડેમીક કાઉન્સીલના સભ્યો કે સીન્ડીકેટ સભ્યો ખાનગી કોલેજોની સુવિધા દસ્તાવેજી ચકાસણી કરતી હતી પરંતુ જાણે વર્તમાન યુનિવર્સિટીના સતાધીશોની વિશ્વસનીયતા સામે પ્રશ્નાર્થ હોય તેમ ઇતિહાસમાં પ્રથમવાર ગાંધીનગરથી ઉચ્ચ શિક્ષણ વિભાગના અધિકારીઓએ ૭ કોલેજોની તપાસ હાથ ધરી છે.

સામાન્ય રીતે વગદાર રાજકીય અગ્રણીઓ ખાનગી કોલેજોમાં સુવિધાઓ આપતા ન હોય પરંતુ તગડી ફી ઉઘરાવતા હોવાની રાવ અનેકવાર ઉઠી હતી. રાજય સરકારે આ અંગે તપાસ હાથ ધરતા કેટલીક ખાનગી કોલેજના સંચાલકોમાં દોડધામ મચી છે.

(3:35 pm IST)
  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST

  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST