Gujarati News

Gujarati News

News of Friday, 8th November 2019

રાજકોટ તાલુકાના પ૦ હજાર ખેડૂતોની જમીનનો ટાઇટલ રીપોર્ટ બનશે

કલેકટરે પત્રકારોને આપેલી માહિતીઃ દરેક જીલ્લામાં એક એક તાલુકો પાયલોટ પ્રોજેકટ તરીકે આવરી લેવાયોઃ રાજકોટ તાલુકામાં ૧૮ ટીમો દ્વારા સર્વે શરૂ... : રાજકોટ તાલુકા બાદ જીલ્લાભરમાં તબક્કાવાર અમલવારીઃ બોગસ વેચાણ થયું છે કે કેમ તે પણ જાણ થઇ જશેઃ પ્રિ સ્કુટીની શરૂ કરાઇ..

રાજકોટ તા. ૭ :.. રાજકોટ જીલ્લા કલેકટર શ્રી રેમ્યા મોહને આજે પત્રકારોને જણાવ્યું હતું કે સરકારે એક મહત્વની યોજના રાજયભરમાં દરેક જીલ્લામાં એક એક તાલુકો  પસંદ કરી ખેતીની જમીનનો ટાઇટલ રીપોર્ટ બનાવાશે, એનું ટાઇટલ વેરી ફિકેશન થશે, આ પ્રિ-સ્કુટીની રાજકોટ જીલ્લામાં સરકારે  પાયલોટ પ્રોજેકટ તરીકે રાજકોટ તાલુકામાં શરૂ કરવા આદેશો કર્યા છે, અને તેથી તે પ્રમાણે ૧૮ ટીમો બનાવાઇ છે, અને તમામ ઓલ સર્વે નંબર ચકાસાઇ રહ્યા છે, અને આજથી કામગીરી શરૂ કરી ચેક લીસ્ટ બનાવવાનું શરૂ કરાયું છે.

કલેકટરે ઉમેર્યુ હતું કે ૧૮ ટીમો દ્વારા ખેતીની કયા પ્રકારની જમીન છે, નવી - જૂની, બીનખેતી થઇ છે કે કેમ, અરજી થઇ છે કે કેમ, ૭/૬, ૮/અ ના ઉતારા વિગેરે બાબતો જોવાનું શરૂ કરાયું છે, કોઇપણ વ્યકિતને આવી જમીનો ખરીદવી હોય તો, જે તે વ્યકિતએ વકીલો પાસે જવુ પડે છે, ઉતરોતર દસ્તાવેજો, ટાઇટલ કલીયર વિગેરે સર્વે કરાવો પડે છે, પરંતુ સરકારે આ પ્રોજેકટ અમલમાં મૂકયો છે, આથી તંત્ર દ્વારા રાજકોટ તાલુકાના તમામ પ૦ હજાર ખેડૂતોની જમીનની સ્થિતિ, કોના નામે છે, કેટલી જમીન, કયાં આવેલી છે, ખેતી કે બીનખેતી, વાવેતર, સર્વે નંબર, અગાઉ કેટલા દસ્તાવેજો થયા, કોણ વેચનાર, ખરીદનાર, વિગેરે તમામ બાબતો અને ટાઇટલ કલીયર છે કે કેમ, વિગેરે તમામ વિગતોથી ચકાસણી શરૂ કરાઇ છે, રાજકોટ તાલુકામાં આવી કુલ ૧૮ ટીમો દ્વારા આજથી કામગીરી શરૂ કરાઇ છે, આ તમામ પ૦ હજાર ખેડૂતોની ખેતીની જમીનનો સર્વે પુરો થયા બાદ ઓન લાઇન મુકાશે, જે તે ખેડૂત પણ પોતાની જમીન જોઇ શકશે. આ ઉપરાંત બોગસ-વેચાણ-વ્યવહારો થયા છે કે કેમ તે પણ જાણી શકાશે. આ ઓન લાઇનનો રાજકોટ તાલુકામાં પ્રથમ તબકકો છે, બાદમાં તમામ તાલુકામાં આજે અમલવારી થશે.દરમિયાન અમૂક જમીન નિષ્ણાંતોનું માનવું છે કે આ સર્વેથી ખેડૂતો-જમીન માલીકોની પોતાની જમીન અંગે પ્રાયવેસી રહેશે કે કેમ તે અંગે ગંભીર સવાલો ઉભા થયા છે, ભવિષ્યમાં વિરોધ વંટોળ થાય તો નવાઇ નહી તેમ આ નિષ્ણાંતો કહી રહ્યા છે.

(2:33 pm IST)
  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST

  • ૨૦૨૩માં મેન્સ હોકી વર્લ્ડકપ ભારતમાં રમાશે : ૨૦૨૩ માં પુરૂષોની હોકી વર્લ્ડ કપ માટે ભારતની પસંદગી થઈ છે. host country તરીકે મેન્સ હોકી વર્લ્ડકપ માટે ભારતનું નામ જાહેર થયું છે access_time 6:09 pm IST