Gujarati News

Gujarati News

News of Friday, 8th November 2019

ત્રંબાના સંજય પટેલને મધરાતે ઘરમાંથી ખેંચી કારમાં નાંખી વડાળી વાડીએ લઇ જઇ આઠેક શખ્સોએ બેફામ ધોલાઇ કરી

શેઢા પડોશી શૈલેષ ગજેરાએ વાડીનું હલણ ત્રણ દિ'થી બંધ કરી દીધું હોઇ તે સામે સંજયએ વાંધો ઉઠાવતાં ડખ્ખોઃ ધોલધપાટ થતી હોઇ બાજુની વાડીમાં માતા અવાજ સાંભળી જતાં દોડી આવતાં હુમલાખોરો ભાગી ગયા

રાજકોટ તા. ૮: ત્રંબામાં રહેતાં લેઉવા પટેલ યુવાન સંજય ધીરૂભાઇ ટીંબડીયા (ઉ.૨૬)ને રાત્રીના ત્રણેક વાગ્યે તેના શેઢા પડોશી પટેલ શખ્સોએ ઘરમાંથી ખેંચી કાઢી ફોર્ચ્યુનર કારમાં નાંખી વડાળી ગામે વાડીએ લઇ જઇ બેફામ ધોલધપાટ કરતાં અને ધમકી આપતાં સારવાર માટે સિવિલ હોસ્પિટલમાં દાખલ થયો છે. સંજયની વાડીનું હલણ ત્રણેક દિવસથી શેઢા પડોશીએ બંધ કરી દીધું હોઇ તે બાબતે તેણે વાંધો ઉઠાવતાં આ હુમલો કરવામાં આવ્યાનું તેણે જણાવ્યું હતું.

સંજયને સવારે સિવિલ હોસ્પિટલમાં લાવવામાં આવતાં અને તેણે પોતાને રાત્રે ત્રણ વાગ્યે ઘરમાંથી ખેંચી કાઢી યશ શૈલેષભાઇ ગજેરા, મિલન શૈલેષભાઇ, રવિ, દામજી બારસીયા, શૈલેષભાઇ જગાભાઇ ગજેરા તથા ચાર અજાણ્યાએ ફોર્ચ્યુનર ગાડીમાં નાંખી શૈલેષભાઇની વડાળીની વાડીએ લઇ જઇ લાકડી અને ઢીકા-પાટુનો બેફામ માર મારવામાં આવ્યાનું કહેતાં તબિબે એમએલસી કેસ જાહેર કરતાં હોસ્પિટલ ચોકીના જગુભા ઝાલા અને રાજભાઇએ આજીડેમ પોલીસને જાણ કરી હતી.

શૈલેષના કહેવા મુજબ મારે વડાળી ગામે વાડી છે. મારી બાજુમાં જ શૈલેષભાઇ ગજેરાની વાડી આવેલી છે. અમારું હલણ તેમની વાડીમાંથી નીકળે છે. વર્ષોથી અમે આ હલણના રસ્તાનો ઉપયોગ કરીએ છીએ. પણ છેલ્લા ત્રણ દિવસથી શૈલેષભાઇએ આ હલણ બંધ કરી દેતાં મેં તેમને સમજાવતાં માથાકુટ થઇ હતી. તેનો ખાર રાખી રાત્રીના તેઓ મારા ઘરે પહોંચ્યા હતાં. દરવાજો ખુલ્લો રાખીને હું સુતો હોઉ મને બહાર ખેંચી કાઢી કારમાં નાંખી મારી બાજુમાં જ આવેલી તેની વડાળીની વાડીએ લઇ ગયા હતાં અને ધોલધપાટ શરૂ કરી હતી. દેકારો સાંભળી અમારી વાડીએથી મારા બા શોભનાબેન આવી જતાં આ બધા મને મુકીને ભાગી ગયા હતાં.

આજીડેમ પોલીસે બનાવ પાછળ આવુ જ કારણ જવાબદાર છે કે બીજુ કંઇ? તે અંગે તપાસ શરૂ કરી છે. હુમલો કરનારા બધા રાજકોટ રહેતાં હોવાનું સંજય ટીંબડીયાએ જણાવ્યું હતું.

(11:25 am IST)
  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • મહારાષ્ટ્ના મુખ્યમંત્રી પદે શિવ સૈનિકની વરણીના સપનાને સાકાર કરવા મારે ભારતીય જનતા પાર્ટીના સમર્થન કે આશીર્વાદની જરૂર નથી ઉદ્ધવ ઠાકરેની પત્રકાર પરિષદ ચાલુ access_time 6:47 pm IST

  • એક શબ્દની જરૂર નથી,માત્ર આ તસ્વીર જ બધું કહી દે છે : ઇન્ડિયા ટીવીના સિનિયર એડિટર શ્રી રાજીવ ચોપરાએ કરેલ લાજવાબ ટ્વીટ access_time 7:21 pm IST