Gujarati News

Gujarati News

News of Monday, 9th September 2019

કલેકટર કચેરીમાં નવનિર્મિત ઓપન એર થીયેટર તથા બગીચાનું બુધવારે વિજયભાઈના હસ્તે લોકાર્પણ

પ્રમુખ સ્વામી ઓડીટોરીયમ ખાતે સાંજે નિશીથ ભારદ્વાજ (મહાભારત શ્રીકૃષ્ણ), સાંઈરામ દવે, કિર્તિદાન સહિતના કલાકારોનો સોરઠી ડાયરો- હસાયરો

રાજકોટ,તા.૯: શહેરની કલેકટર કચેરી ખાતે પાછળના ભાગે બનાવવામાં આવેલ અદ્યતન ઓપ એર થીયેટર તથા આગળના ભાગે બગીચાના નવીનીકરણનું ઉદ્ઘાટન  તા.૧૧ને બુધવારના રોજ મુખ્યમંત્રીશ્રી વિજયભાઈ રૂપાણીના હસ્તે યોજાશે. જે અંતર્ગત પ્રમુખ સ્વામી ઓડીટોરીયમ, રૈયા રોડ ખાતે સાંજે સાત વાગ્યે હસાયરો તથા સોરઠી ડાયરાનું આયોજન કરાયું છે.

કલેકટર તંત્ર દ્વારા આ અંગે તૈયારીનો ધમધમાટ શરૂ કરી દેવાયો છે. કુલ ૨૦ લાખના ખર્ચે બનાવાયેલ થીયેટર અને બગીચાના લોકાર્પણ પ્રસંગે હસાયરા- સોરઠી ડાયરાના કાર્યક્રમનું આયોજન કરાયું છે. જેમાં મહાભારત ફેમ શ્રી કૃષ્ણનું પાત્ર ભજવનાર નિશીથ ભારદ્વાજ, સાંઈરામ દવે, કિર્તિદાન સહિતના કલાકારો પ્રમુખ સ્વામી ઓડીટોરીયમમાં કલા રજુ કરશે. સાંઈરામ દવે દ્વારા હમીરસિંહજી ગોહીલનું પાત્ર ભજવશે.

નવ નિર્મિત ઓપન એર થીયેટરનું નામ ''કલા સ્ટેશન'' રાખવામાં આવ્યું છે. તેના સંચાલન માટે કલેકટર તંત્ર દ્વારા સૌરાષ્ટ્ર યુનિર્વસીટી સાથે એમઓયુ કરવામાં આવ્યા છે. સમગ્ર કાર્યક્રમ પહેલા કલેકટર કચેરી ખાતે જ આયોજીત કરાયો હતો. પણ વરસાદની પરિસ્થિતિને ધ્યાનમાં રાખી પ્રમુખ સ્વામી ઓડીટોરીયમ ખાતે સ્થળાંતર કરાયો છે.

(3:51 pm IST)
  • ગુજરાતના પાટનગર ગાંધીનગરમાં સારો વરસાદ પડ્યો છે. મોડીરાત્રે લખાય છે ત્યારે પણ વરસાદ ચાલુ હોવાનું અમારા ગાંધીનગરના પ્રતિનિધિ અશ્વિન વ્યાસ જણાવે છે. access_time 11:40 pm IST

  • આર્યો ક્યાંથી આવ્યા હતા ? DNA રિપોર્ટ બાદ સામે આવ્યા ચોંકાવનારા તથ્યો,: ઇતિહાસકારો ચોંક્યા : આર્ય બહારથી નહિં પરંતુ ભારતીય ઉપમહાદ્ધિપના હતા:રાખીગઢીમાં સાડા ચાર હજાર વર્ષ જુના હાડપિંજરના ડીએનએ રિપોર્ટના આધારે ભારત અને હાવર્ડના કેટલાક પ્રોફેસરોએ કર્યો દાવો :કેટલાક ઈતિહાસકારએ દાવાને નકાર્યો : પહેલા રાખીગઢી અને પછી સનૌલીમાં હડપ્પાકાલિન હાડપિંજરોના નવા દ્વાર ખૂલ્યા access_time 1:05 am IST

  • ભારતીય સેનાએ આતંકીઓથી ભરેલી પાકિસ્તાની પોસ્ટ ફૂંકી મારી : લાશોના ઢગલા : એલઓસી પાસે લિપ વૈલી વિસ્તાર સ્થિત પાકિસ્તાની પોસ્ટ તબાહ : લિપ વૈલી પાસેની પન્ડુ વિસ્તારમાં બનેલી આ પોસ્ટમાંથી સીઝ ફાયરનું ઉલ્લંઘન કરાતું હતું અને આતંકીઓને ઘુસાડવા માટે લોન્ચપેડ તરીકે ઉપયોગ થતું હતું : ભારતીય સેનાએ નષ્ટ કરી દેતા અનેક આતંકીઓના મોત access_time 12:57 am IST