Gujarati News

રાજકોટ, તા. ૯ : શહેરના ખોડીયારનગર, ભોમેશ્વર સોસાયટી મેઇન રોડ પર, સાગર ચોક આવાસ યોજના કવાર્ટર પાસે અને નાના મવા સર્કલ પાસે આર.એમ.સી. કવાટર પાસે પોલીસે દરોડો પાડી દારૂની ૪૯ બોટલ કબ્જે કરી ત્રણ શખ્સોની ધરપકડ કરી છે.

મળતી વિગત મુજબ થોરાળા પોલીસ મથકના એ.એસ.આઇ. ડી.કે. ડાંગર, મહેશભાઇ મંઢ, નિશાંતભાઇ પરમાર અને રોહીતભાઇ તથા વિજયભાઇ મહેતા સહિત પેટ્રોલીંગમાં હતા, ત્યારે બાતમીના આધારે ખોડીયારનગર શેરી નં. ૮ના ખૂણેથી વિજય લાખાભાઇ સીતાપરા (ઉ.વ.૧૯) (રહે. ખોડીયારનગર શેરી નં. ૮) ને દારૂની ૧ર બોટલ સાથે પકડી લીધો હતો. જયારે બીજા દરોડામાં ભોમેશ્વર સોસાયટી મેઇન રોડ પર રેલ્વે ફાટક પાસેથી ગાંધીગ્રામ પોલીસ મથકના પીએસઆઇ જી.એન. વાઘેલા સહિતે દરોડો પાડી અનવર કાસમભાઇ શેખ (ઉ.વ.૪૩) (રહે. જામનગર રોડ હુડકો કવાર્ટર નં. ૩ર, શેરી નં.ર)ને દારૂની ૬ બોટલ સાથે ઝડપી લીધો હતો. ત્રીજા દરોડામાં તાલુકા પોલીસ મથકના પીએસઆઇ એન.ડી. ડામોર તથા ડી-સ્ટાફના નગીનભાઇ સહિતે સાગર ચોક આવાસ યોજના કવાર્ટરમાં બ્લોક નં. ૧ પાસેથી દારૂની ૧ર બોટલ કબ્જે કરી હતી જયારે પિન્ટુ ઉર્ફે પરેશ હકાભાઇ સાકરીયા (રહે. આવાસ યોજના કવાર્ટર બ્લોક નં.૧ કવાર્ટર નં.૧રરર) ભાગી ગયો હતો. ચોથા દરોડામાં નાના મવા સકલ પાસેઅ ારએમસી કવાર્ટર બ્લોક નં. ર૬ કવાટર નં. ૮૬પમાંથી દારૂની ૧૯ બોટલ સાથે રાહુલ અલ્પેશભાઇ કડવાતર (ઉ.વ.૧૯) (રહે. મીરાનગર-૩, બાપાસીતારામ ચોક પાસે) ને પકડી લઇ કાર્યવાહી કરી હતી. (૮.૧ર)